حلم ليل طويل

بعد السلام
وحلو السؤال
والكلام اقول
ياخال الهم هم انى

كانت كتير سمن وفطير
وطيور تطير وبندقية غفير
وصفارة نفير واذان وجرس
وميت حرس وفرس
وقلوب وناس وطيبه
وقاعده وتلم اكبر مصيبه

وفات زمان الامان
وان اتكلمت بكتمان
وان زعقت بتتهان
ورضيت بالخوف
ونشف الجوف
اشوف
لكن العيون ضلمه
والقلوب كاتمه
والسكه للنور عتمه
وفجر بعد ليل طوووووووووووووووووووويل
اتارى الدنيا لسه عاتمه
والشمس مغممه
والسحابه سوده
اترينى كنت بحلم
ان الفجر اذن
قمت اصلى

كم

كم 
....امورا من حياتى 
ذكرياتى من شقاء 
ومن سعاداتى 
كم ....
من السنين هربت
سكنت سكتت
اخذت واعطت
ولا علم بأتى
كم
ترقرق الدمع بمقلتى
معلق بين جفنى
وساقط من فرح وشقاوات
كم
تكون من الزهر ثمرا حلوا
وتمرا بنخلات باسقات
وكم
من طيور تزف اشراق شمس
تنبىء بيوم جديد ات
ولا ادرى الى غد او ساصبح
بين جنبات قبرى ملفوف
برفات 

قطرات المطر

كم تباعدت النجوم فى كونها 

وكم تلاصقت بك قطرات المطر

ونسمات تاتى بعفوها

وبسمات تعلو الثغر

يا من بغفلتك استفق

انى لاابغى ضجر

وقلوب تهوى ليلها

عاشقة ضياء القمر

وطيور سارحة لارزاقها

تلملم اغصان الشجر

تعانق الشمس فى اشراقها

وتغدوا معها عند الغسق

وعيونا  باتت على حلمها

ترنوا صعودا للافق

الليل ان طال زمانه

ففجرات والفلق 

اهل مصر

لافاضل الاعزاء
اهل مصر الطيبين
انتوا عارفين انتو مين
ولا عمركم كام فى السنين
يا طيبين انتوا زرع ارض نيل وطين
انتوا رفعتوا اعلام العزه من سنين
انتوا شقيتوا صخر الالم وكتبتوا
كل حروف الكلام
ونلتوا بالعزه كل المرام
لكن كف الزمن ياخد ويدى
مش بيدى انى من الطيبين
وقلت كان وخان قولى وخلاها طين
وبات الزمن حزين
وفرح من يومين
لكنى محتاج كل حبة عرق
وعلم وورق
محتاج دراعات الولاد والبنات
ما الزمن ما بين خد وهات
زى ما زينا زمان السنين
لازم نرجع زينه لبيت وناس الطيبين

حزب الغلابه

وعلشان حزب غلابه وناس فاهمه ومش كدابه
افتكروا ان الدنيا سحابه وتمر
داقوا حلاوة المر كاسات 
وناس قالت عكوسات وجابوا شيخ نصاب
وزار وحمار وشربوا دم غلابه 
اصل احنا فى برمهات
ارض بتطرح خيرات قمح ودره
وتمر وجمر فى ايد اللى بيشحت ويقول هات
شمر يا شعب زغابه وشق الصخر خطوط
وارمى حب واروى من عرقك فوت
ولا تستنى الموت وتبقى هلفوت
فاكر غيرك يعرق ويديك علشان ايه يراضيك
خلى النفس عفيفه والجته ما تبقاش جيفه
اصلنا يا عبيط حزب غلابه فينا الام والعم والخال
فينا الخيال والسيف والرايه عمرنا ما بطلنا قرايه
فاس ومدراس وقلم ودوايه وعلم وفهم ومدرايه
وطواحين حب وقلوب مليانه عشق وحب
بكره نقول من تانى واستنانى ولا تنسانى