صباح العنكشه

ما تحدفونا فى البحور
ولا توعلوا فينا بوابور
امسحوا كل السطور
لكننا عايشين بعدكم
...........
كام وراحوا قبلكم
وكام حييجوا بعدكم
واحنا هنا كف التراب مننا.
......
شربنا كتير القندله
تبيضوها تسودوها تصفروها
تكبروها وتصغروها
احنا بنضحك على السكات
........
صباحكوا صباح العنكشه
من دا كتير
الف ملك والفين وزير 
شغال غفير
بايدى مفتاح المزبله
........
الفرحه ليه قصيره
ممكن تطول 
لو فيه عقول
مش شوية عجول 
وحمار وشايل بردعه
..........
يا ما حمير 
فكرينها بس للبرطعه
وادى زمان السنكعه
والسنطعه والمنطعه
وصففير كتير
دمغنا يا بقر مصدعه
.........
يا محلى على الصبخ
العنكشه
والنكته تزق الفرفشه
الاصتباحه
يا احلى محروسه م الغيون 

الثوب البالى

توب منسوج فتلته بايدى
رفيع تخين بحراوى وصعيدى
شيال للحمول شيال على الله
صبحى ينادى بالعالى ياعبد الله
طلع النهار طلع هات عدتك يا الله
توب منسوج عرق مفتول طينه
هد الجبل هدهده ورباه من تانى
زرعه جناين طرحت زيتونى ورمانى
ضى السمس لون التوب فى الضله
عطشان لميتى نيلى اسقيه من القله
مجدول جدايل فرح لضمة الغله
توب منسوج قطنى وكتانى
خطيت بايدى خطوتى وزمانى
على التوب عيون كحيله سمر وغزلانى
نور القمر على التوب فضه مجدوله
دى الاوله وبكره 
نقول امنا الغوله
.......
توب الحيا رقعوه
من كتر ما فيه من مبالى
خيط الكرامه منيين تجيبوه
تجار الندامه قبالى
جبتوا البلا ونسجنوه
تعالى يا بلدى تعالى
بقول كلام افهموه
الغدر غلب الليالى
توب الحيا البسوه
وخافوا رب المنايا 
لكم يوم تقابلوه
يسئلكم ليه الخطايا
التانيه 
والتالته جبر الخواطر 
جبر الخواطر على الله
وقسمة العبد حوسه
العقل اجيبه منيين
والحمار سايق الجاموسه
ضرب البلغ على الخدين
احلى من اكل الهريسه
جبت التناحه منين
فتفتوا لك البسيسه
ياشعب رايح على فيين
بلاها سكة ولاد اللئيمه
مصطفى الجابرى
الشهير بجحا المصرى المصرى