ااااااااااااااااااااااااااااه يا وطن

اااااااااااااااااه يا وطن
...................................
دارى على الكل طله
من الصبح ااقول على الله
شقيان وعافيتى راس مالى
لاانا شيوعى ولا رسمالى
مالك يا وطن بصيت لى بصه
معجبانى قوى وعاوج القصه
ااقولك يا وطن بداية القصه
....................
لك الجسد يا وطن
والروح ما ليك
غضباااااان والغضب عله
ولا ميت ملك انذل له ذله
فتفتوتك يا وطن انجاس
وانذال لك
لهم غرض يا وطن
فى الفتفته والفوته
اكمل الحدوته
ولغير الله مذله
قطعوك يا وطن
دا شامى ودا مصرى
ودا يا وطن مغربى ودا بصرى
قسموك والقسمه مجدوله
من اول الفوله ااقول
و ربى معين ليك
انا يا وطن شايل معانيك
كل الجمال فى لفظ معانيك
حتى كتاب الله مكتوب بمعانيك
ايش ياخدوا واديك الجيه والروحه
قسموك يا وطن والجسد بالى
عمرى ماكنت ادور دا عمى ودا خالى
وتوبى يا وطن عمره ماكان بالى
ما يخطر ببالى انسى ما فيك
..........................
انا القلم يا وطن
دا دم مش مي
انا القلم والحرف ملوى لى
نبات نصبح خوف من اللى جى
ليه سكتك ضلمه
ولا حتى بصيص ضى
جبت كتاب التاريخ
كلها سطور بيضه
قليل منها قوى
سطور سوده
لاعدا عاش ولا نعمه محسوده
اصل الكرم يا وطن جوده بالموجوده
توب الحيا كان يلف الجسد لف
حتى جيت يا زمن الحيا اتلف
عايشين يا وطن فيك ناس
بتلفنا تف
عمرك ماتعرف لنا سكة العوده
..................
فيك ناس يا وطن تحرق الجته
على كراسى مليانه بالعته
فاكره البشر هوش للحمة الفته
غاويه تاكلنا حته ورا حته
مية ااااااااااااااااه من العلل تكفى
عمر الاه م الوجع والتوهه ما توفى
باقى ايه يا وطن فيك وفى
كل البشر يا وطن فداك ما توفى
فيك الجرح يا وطن ما يطيب لك وصفى
اسئل طبيب فين الجرح والعله
قال لى ان راح قليل الاصل
اكسر وراء الف زير وميت قله

جحا المصرى المصرى

توته بنت صغنتوته

بنت صغنطوطه
وضفيره من شعرها
بشريط اخضرو مربوطه
توته يازمن نشتاق الموته
سايب ضفيره وشريطه
لا مفكوكه ولا مربوطه
توته وتوب الغل
ما ساب غطى الكل
كاسى وناسى لون الضل
مربوط بمأسى
خيوط مشبكه
حدوته ملتوته
توته توته على شطى
اكتب بالقلم خطى
ارسم على شطى
احلام منشاله ومحطوطه
وجدوته
وتوته توته
توته توته بنت صغنتوته
............................
وتوته خلصت مع ضى الشمس الحدوته
والضى يعنى نهار..
.على ناس ماشيه بالمندار
.. طوفان من ناس .
..وسواس خناس
..بخ فى عقل مريض ..
...خليك انت الداعى .
..وانت يا واعى وراعى بلاش
....متنفعناش حتى متنساش
...ان الباغى سعره ببلاش ....
منين جبت قساوه
الموت مش بقلاوه
عتابنا من تقل عتبنا
شيلنا الهم سنين
وطوال العمر نحابى
تقل الحمل
من ظلم الجابى
وجنابى فقران
دم ومال
اومال توته بنت صغنتوته ولسه الحدوته
توته شعرها جدايل نور
داير على ببان الناس
تقرا فى عينى
احساس
مقهور من تقل الحمل
ياخال
توته ضفايرها لون الشمس
بتهمس للهوا همس بشجون
وجفون العين شايله لون الضل
وسمار العين زى عيدان الفل
زى القلب مهما تعبيه تلاقيه
مفتون والخطوه جريئه
وحريق فى العود الجاف
وجفاف فى حلق التوته
م الشوف زمن الحدوته
مكسوف مش لاقى كلام
يتقال ولا بكره فيه موال
على مدد الشوف ماتشوف
شوك على شوك طارح شوك
فى نفوس ناس وكتاب ملفوف
مندار راكب له حمار مكسوف
يبص لتوته مافى جار نجار
يعمل للضله ببان وسقوف
ويدارى عن عينا فيها الخوف
وقلوب محروقه شايله بايديها
دم الشوك وف عقل التوته
الف سؤال من ايه ودا ليه
وامتى وازاى وتبص بعينيها
تشوف حيره وكسوف
امتى يا خال يموت فينا
الخوف
توته بنت صغنتوته وحدوته ضفيره شعرها مربوطه ...
.بشريط اسود لون الشين
وسواد البين وهم ودين .
...وقلوب راضيه ومبسوطه .
..توته جى علينا الدور
لفوا السور ال ايه دستور
لكن للدنيا عجايب عقل الخايب
..معذور فاكر لون التفاحه
وفواحه الدنيا مغرور .
..ناسى ان الارض قبور ..
..لو كان فى الارض نوايب
تبقى انت الخايب
غلبان وفقير مطحون بظنون
وكلام مدهون الوان الوان
دول انس ولا جان يا جبان
متعيش مستور والذل معاند
قوى ولا جامد بتعاند والعند
جنون بالراحه خطاويك سراحه
والدنيا جايه وراحه
حتى قبور الموت 

ما تدوم 

توته بنت صغنتوته ولسه كمالة الخدوته
توته بنت صغنتوته
............................
صوره على حيط
محطوطه بشريطه
وتوته تسئلنى
فين بابا ياخال
ودمعه مبتوته
من نور العين
اااااااااه يا زمن الشين
ورتنا لون الدم
وشاب الطفل من شيل الهم
وسؤالك حمل جبال
والعافيه راحت م الخال
اوعى تقول لى دى عيال
توته بنت صغنتوطه
جحا المصرى المصرى (مصطفى الجابرى )
فى اخر صباح لسنة 2013

 — 

يعوض الله

يعوض الله
.....................................
ساكت يا وطن والسكون نوهه
حتى ورقه من تاريخ عميوا ما قرتوها
ساكت ليه يا وطن الخرس عيبه
ناس فيك يا وطن خلفت الديبه
ساكت 
والسكوت فى البشر ذله
اكتب ايه ع الحجر معاذ الله
والله اشيل قربتى وانادى
فى الخلايق والناس
يعوض الله فيك يا وطن
يعوض الله 
انا الوجع مليان وانا فاضى
اعمل ايه فيك يا جسد 
والحكم بايد قاضى
والقاضى فيك ملكوه
اديه ماهوش راضى
...............
انا الوجع كلمتى
والتهمه انى برىء
بس ااقول كلمتى
يمكن تبل الريق 
الكلمه فى عرفكم 
تهمه جراره
يا ميت خساره 
غرقان فى بحر الحرف
ارمى كلمتى من جرف 
وارجع م الوجع فاضى 
انا اللى صبرى جار وجرجرنى 
اتاريه للمهالك وناس مأجرنى 
يا خلى اجيب منين صبرى من تانى 
المر غطى ودانى والقاضى ما جرنى
......
والقاضى حكم والحكم له عله
جى بذله ولا خارج عن المله
يا قاضى البلا بلاويا بلاويكم
الحكم يا قاضى عدل ولا شرع
لما ترجع اللبن للضرع
ما تمسح بلاويكم 
ذل البشر موضه عميانه 
لما تفوت ع الاه تلاقيها غتيانه 
كافيه خيرها على شرها
شايله فقرها كاتمه سرها
بصه فى حجرها تزعق تقول
ياااااااااااااااااااااانه
ذل البشر موضه محقوقه
ناس عايشه بجوعهامسروقه
وناس فاكه حزامها مزنوقه
عمر الجوع ماكان ذله
ولا الشبع جى من قله
قلوب مطحونه وقلوب منحله
الارض تطرح الحنضله ووردة 
الفله. 
ذل البشر عشه 
حتى ينام ما يتعشى
فرش وغطاه عافشه
رابط دنيته بقشه
ان قال اااه يا ظالم
يكنسوه بمقشه
ذل البشر جوعه
تروى عطشته دموعه
يمر عليه شهره واسبوعه
لازقه بطنه بضلوغه
ادعى واليوم جمعه
والناس كلها سامعه
نفسى فى لحمه بالدمعه
وفيها باميه من غير قمعه
واسمع تانى ابولمعه
اشوف اخرتكم ...............
والى لقاء اخر مع يعوض الله
جحا المصرى المصرى 2014 يناير