اقلام

قلمى جف
...........................
تشربوا العار
ولا تسفوا التراب سف
لما الجرح يبقى ندم 
والرجال عنتره و عدم
وكل يوم كام شهيد ينزف
.....................
قلم وحبر ورق
احلام كتير تنسرق
حتى لقمة حاف من غير مرق
والكلام صبح ومسا
واتعودنا خلاص ع العسعسه
امتى الطوفان امتى الغرق
..................................
قلم ورصاص ومسطره
ورجعنا تانى للحنطره
عربجى كرباج ورا
ناصح لبيب فى الفشخره
راكب ورا ابن .......
المحترم
...............
قلم ورزم ورق
بقيت بعد الغندره متهم
والجرم سطر
مكتوب بالقلم
والعقل تاه
لاعاد فيه شوف
والعمى للعقول كرم
.....................
قلم بوص
عقل محبوس
ونفوس رمم
تشترى بكام
قنطار ذمم
لله يا محسنين
كيلو صرم
........................
قلم ريشه ورق
العمر اتسرق
ومعاه سطور
حروف مكتوبه
بخوف وطن اتحرق
امتى نشرب بدل
المراره مرق
.........................
قلم ودوايه خزف
التهمه شرف
والترف ضى النجف
نشرب مرار
تاكلوا جيف
يوم جوه التراب تتلف
يجبوا سيرتك
يردوا تف
..................
قلمى جف
وعقلى من خلايق
خف
ايه يا طبيب الدوا للعله
قرص جله
ونشن على وش البعيد
وتهف