قصيده شعريه وصوره تستحق الرد والتعليق

[ دوسي فقد داس الكرامة قادتي]

هيا أمتطي ظهري أخية واصعدي
بل واطعميني من بقايا سيدي

دوسي برجلك كي تمزق اضلعي
فالجوع دمرني وأنهك ساعدي

دوسي فلم أضجر لأني لم أجد
مورد ليأويني فهذا موردي

دوسي فقد داس الكرامة قادتي
وقضوا على شرفي بساعة مولدي

لاترحمي ظهري وهاتي وجبة
لهم الشهي الغالي فهاتي لي الردي

هيا اسرعي من قبل يسلب وجبتي
كلب فيغلبنا علينا يعتدي

هل تسمعي هر يخاطب مسمعي
لاتأخذوا حقي فهذا مقعدي

ياسيد الأهرار عذرا فابتسم
فلك الكرامة والمذلة في يدي

لتبيت في قصر منيف شاهق
نومك على سرر وعيشك أرغدي

ونبيت نحن في العراء ومالنا
فرش ولا مأوى بليل بارد

بسطوا على بيتي وباعوا ثروتي
وسطوا على قوتي وقصوا أوردي

ماذا ترين أخيتي لاتيأسي
وهتي ولو خبز بروث فاسدي
** ** **
صبرا أخية كي ألملم وجبة
من بين أقذار وشعر أسودي

صبرا دعيني أنتشل ماخلفت
سفرات ساداتي وقصعة قائدي

قد لا أجد قوتا ليكفينا لأن
سادة كلاب القصر تملك عائدي

/جميل شريف
٢٥/١٢/٢٠١٤م

البحر .....................0جحا المصرى)

البحر الجاف
...............
انا البحر من غير موجه
ولا نسمه هوا وهوجه
ولا شط ارتاح فيه
ولا شمس فى الشتا تدفيه
ولا عصفورة الميه
تملى ترسى بحنيه
على شطى
انا البحر ومالى مى
لاانا ميت ولا حى
ولا انا رايح ولا جى
ايش فى سكتى لقيته
زمانى فى سكته جريته
ولايوم لساعة ذكرى بقيته
والموته على شطوطى
زى الحى
تعالى ندور فين المى
الم نازف لونه زى
حجر صوان بيعكس ضى
وقلوب ماتت سكك فاتت
نفوس مليانه مالها زى
فى وسط الموجه
حلمى ضى
انا اللى حلمته فى ليل
ماله زى
فيه بكره وامبارح و موج سارح
على شطى
وورد بكل لون متغطى
تتمايل شمال ويمين
وتوطى
وندى شايل كتير قناديل
وناس سارحه م البدرى
فى فجرى الف دليل
وطول مالموجه سرحانه
تروح ترجع اهى معانا
لممنا الود جوانا
ونسمة صيف شتا وخريف
تجيب ف جناحها بحنيه
لون الطيف بشر راجع
وناس ماشيه
بامل سارح في عوده
وانا راسى بحنيه على شطى
وطير راسى على شراع
عالى بلون الضى
انا البحر والموجه بس ف حلم

عديت على الدنيا (جحا المصرى)

ماليش 
.............
على الدنيا عديت فاضى
لاانا فرحان ولا راضى
ولا كاتب يمين قاضى
انا والغلب على السكه
بقينا صحاب
نكسر الدبشه على دمغنا
تقول احباب وانا والغلب
فى الضحكه مالنا مثيل
فى الهم ايدينا تشيل
هدوم ايه سترانا
وحبلين تيل
نشيل بيهم نفتلهم نقويهم
اهم دابو
وجه الغلب يشكيلى واهو عايط
والدمعه من عينه زمن فايت
وراح يدور له على صاحب
تلاقيه فين
انا وهو ولبكره وامبارح
وزمن طارح غلب سنين
على السكه خطاوينا
لها جره ميت الف متين مره
نروح نرجع نروح نمشى
وانا والغلب على السكه بقينا صحاب
ومعانا كتير م الاحباب
شالينوا فوق الراس
ماهو م ينكتبش ف الكراس
وانا فاضى م الدنيا
ولا راضى ااقول ياعم

زمن جحا المصرى

زمان بيعدى 
ع رقاب 
يفتح للنار ميت باب 
بتشرب دم ولا دموع واهات احباب 
خليك ناصح واشرب مر عرقنا 
ومص الدم فى عروقنا وخلينا اصحاب
لكن تقول احباب اعمل حطاب
واجيب شجر الكون وهبابه اعمل منه خضاب
لليل ولبكره ياعم ما تحب زى ما تكره وخلينا اصحاب
زمان بيعدى
وبكره
وبيكره كل نهار وفرحه وطرحه وبسمة اصحاب
قلب الغل عميان عن لون الفل وشجره وضل
وحضن دافى يلم الكل ولقمه تكفى وتوفى مهما تقل
ونفوس مرضانا ما تحب رضانا ماشافتش النور جوانا
تعالى معانا جوع واشبع غنى واسمع افرح وازعل وروح وارجع
قلوب ونفوس بشر غاويه شر زى هوش بتشتر
زمانها بكره ما بيدى وع رقابها ح يعدى لاتلاقى لها حبيب يفدى
ناس انجاس عايزه عودين كبريت ولترين جاز 

شيخ فلاتى (جحا المصرى )

سئلنى يوم فلاتى
هى المشخه بتشخ شخه
ولا تسرب
تيجى نجرب
نربط الخرم بالدباره
راح ضحك لى وراح مجاشى
رحت اسئل عمى غباشى
قال لى كلام ابيح وقاسى
وجاب من تحت رجلى
لراسى
رجعت ساكت
فهمت ايه م العباره
لميت الوساخه ف شكاره
ورحت رابط
وادينى ماشى
توب الغباوه
ما عادش ينفع

يا عبيد الكراسى (جحا المصرى )

يا عبيد الكراسى
...........
ياعبيد الكراسى
ضاعت من شطوطنا
المراسى
سنين وضلمه
قلنا ماشى
ليها فجر
ليه مجاشى
كيلو تبن من غباشى
واعلفوه
عقل تايه راح ما ودى
تطلبوا منى الموده
حبل ايه ما تقطعوه
وجى مولود يتموه
اعدموا فيه البراءه
يا سلام ع الجراءه
علموا الحمار السواقه
وركبوه ع الغلابه
دندشوه وارقصوا له
واقتلونى ورقصوه
كنت فاكرنى بغاشه
قطع فى لحمى
كل يا باشا
والعباره ف الكراسى
.........................................
اه يا عبيد الكراسى
كترت ف سنينا المدافن
سجن دافن عقل عافن
دقيتوا فى طريقا الاسافن
رصاص للعدا وفروه
وع الغلابه اطلقوه
فى عراقنا ولا سوريا
وعظمته محتاج له
جاريه
تشتروها بالرخيص
وان زعقنا واقولنا مره
المذله فينا مره
تاهت مالطريق
كل جره
ابن خالة ام ابوك
...............................
تانى يا عبيد الكراسى
اسجدوا له
واعبدوه
كرسى خشب الهوه
واطبعوا له مليون كتاب
واكتبوا فيه الحكايه
لكنى سؤالى محتاج جواب
تعرفوا يوم الحساب
تعرفوا يوم للحساب
مش لسانك ينطق جواب
ياريت الاقى الجواب
يا عبيد الكراسى

خلاص ح الملم كل الورق (جحا المصرى)

خلاص الملم الورق
واكسر سن القلم
والدوايه كان الحرف من دوايا
كل يوم ع الصبح بفطر ع الكلام
لونه اسود 
والسطور برضه تايهه م العنين
لكن لسه خطى وخطوتى
زى ما اعيش ساتر جتتى خيط وخيش
واحب امشى ع السكك زى الوابور
لما صفارة قيام تزعق تفووووووووووووت
والعشا زى الغدا لقمه ناشفه
زى السنين جامده لكن بالهواده تلين وتحلى
...خلاص الم ورقى والدوايه والقلم
لكن مش بخاف
اللقمه حاف زى
زى عمرى اللى انتهى
من غير غموز ولا لوى بوز
لانى عارف معنى الكلام
والعلام ومد ايدى بالسلام
مش برضه خوف واقف معايا وسط الصفوف

الوف الوف الوف
زى الطابور ع البطاقه مكتوب سطور
اسمك ايه وعنوان ميلادك
والسكنه فين
لكنى تايه وسط الحروف
من غير كسوف
ابص اشوف
خلاص خلاص
....راح الم الورق والدوايه والقلم
خلاص كتبت معنى الالم
كلمة حساب
جى يدق كل باب
طفل وشباب
ما تنساهوش
احنا بشر مش وحوش
دم سايح ع التراب
ضى غماه ميت ضباب
ياما كنت خايف م العذاب
والحساب انى مش قادر احوش
كل الالم
وندمت كتير مر الندم
ان حبر الدوايه ما انتهاش
حبر اسود
ولادمك راح بلاش خلص الورق
خلص الورق ودمعه فى العين تتخنق م الانين م العرق
دوايه وحبر وورق