بكتب

انا اللى بكتب 
على جدار التاريخ بالكف
سنابل قمح وسمكايه
وضله براح لسجرايا
وناى فى ساقيه
وسما صافيه وقمرايه
انا كاتب على حيطى
عايز تقرا فى زمن تانى
غير امبارح ولا بكره
عايش فى زمن يكره
خطوط قلمى وبياض علمى
واااااااااااااه بتزعق جوايا
من المى
ناقصه حلم ومرايا
وصوره شايلها جوايا
ليوم جى

قالوا

قالوا لى مين الجدع .
..قلت دا عمى ودا خالى .
.قالوا نضرب ودع قلت همى يحلى لى 
..قالوا مين الصحاب قلت اللى فى فرحتى جالى 
..قالوا مين اخوك قلت فى شدتى حمالى 
...طبع الجدع على الحلوه والمره .
..وكل يوم ااقول فوت له دى المره .
سايق دلاله والدلال فى الرجال عيبه
اعدل ميزانك يا الجدع
وميزانك من خفته طار
كتر الجمايل والجدع كالجمال صبار
الدنيا تحتار فيك كيف تعدل المايل
قالوا كتير انصحه والنصح ليه عيبه
لبس توب مالوش وجرجر الخيبه