اااااااااااااااه ياوطن

اااااااااااه يا وطن

كل شىء فيك انعدم
كل حرف اتكتب
كل صوت حر
كل جبر الخواطر
كل لقمة هنيه
ولمة مغربيه
وشهامه وقت الاذيه
حتى الحياء فيك اتردم
اااااااااااااااه ياوطن
كل دبور على عشه زن
كل قلم على القفا رن
كل ضمضمه صوت تجن
احنا فيك ياوطن حروف
ووقتها ما نساوى عفشة خروف
ااااااااااااااااااااه ياوطن
دمعى من كتر الاذى جف
وبقيت رقم من الوف
والقلوب مليانه من الاذى خوف
وكترت على الجته ضرب الكرابيج
بدل الكفوف
اااااااااااااااه ياوطن
محتاج من كتر الاذيه موت
وياريت ياوطن معا يا تموت
ولا تنضرب من اهلك بشلوت
ولا اسمعك تقول
كان ليا هنا ناس بتنضرب بالمداس
وتقول
ااااااااااااااااااااااااااااااااه ياوطن

 

العبيط

العبيط
قالوا انى عبيط وحمارى بياكل سميط 
قلت دا انا واد ناصح حويط
بزرع فدان دره وقيراط قرنبيط
واسقى الارض خمره من بير غويط
النخل يطرح عنب والليمون يطرح بط متزغط زغيط
انتوا فاهمين من دنيا الحكم حاجه
دا كلام وقله عقل ولجاجه
معاك فلوس تبقى رئيس بات شويش
تبعزق كتير تبقى وزير
وعامل لى قمع زير
ااااااااااااااه يازمن المهالك
اللى جاى واللى راح فى مسا لك
كله حيتلم عليك ويطلع عنيك
ولا تقدر تقول حقى ولا ليك
وبكره تعرف انى مش عبيط
والحمار ياكل سميط

لا تعليق

لشفيق
.................................................................
من اهم تصريحات الفريق المحترم احمد شفيق
.................................................................
اللى كان بيطبطب ايام مبارك عمرة مهيختلف عنة ابدا

1- نزول الأخوان المسلمين للميدان ازداد الثورة رسوخا في الأرض محدش يقدر ينكر دا ابدا .. و عدم نزول الأخوان كان هيخلى الثورة اضعف بكثير و اداى اللينك الى بثبت كلامى عشان محدش يقولى كلام مرسل
http://www.youtube.com/watch?v=qkyL992R5I0&feature=g-logo-xit و الفيديو دقيقة بس

2- و ان الجمال و الخيل في موقعة الجمل اللى استشهد فيها 12 مصرى كانوا رايحين عند جامع مصطفى محمود يرقصوا و بعدين قالوا انهم هيروحوا يرقصوا في التحرير و ادى اللينك اهو
http://www.youtube.com/watch?v=bbXVuvfySCQ&feature=relatedالفيديو 30 ثانية بس

3- و ان مثلة الأعلى والدة ثم الرئيس مبارك لجمعة بين الحز و الرفق ولازلت اقولهاو لأخريوم في عمرى اقولها و عندة قدرة خطيرة في التفرقة بين العلاقة و العمل و ادى اللينك اهو
http://www.youtube.com/watch?v=XwIL0wHW_TA&feature=fvwrel

4- كذب الفريق احمد شفيق و حلفة بالله كذب لما قال انوا افرج عن جميع المعتقلين و هو اساسا مأفرجش عنهم و بيدعى انو مش ميعرفش الكلام دا كان في رأستة للوزرة ولا قبلة ولا بعدية و الفيديو بيثبت كذبة و ادى الينك
http://www.youtube.com/watch?v=tPzPHzQQLT0&feature=relatedالفيديو 4 دقائق

5- شفيق يرفض الأعتذار عن موقعة الجمل و يقول الكلام مرفوض عن موقعة الجمل وقالل انو قدم المتهمين فيها و بيقول ان دا كلام مستهلك و ادى الفيديو
http://www.youtube.com/watch?v=JAeSE4Okumg&feature=relatedالفيديو 2 دقيقة

6- احمد شفيق بيتريق على الثوار و بيقول ممكن اشغل الميدان مية في المية و اجيبلهم الفطارو الغدا و علية بومبونى حلويات و ابسطهم جدا جدا و يبقوا قاعدين في هاى بارك و ادى الينك
http://www.youtube.com/watch?v=JGpxaXHwxVI&feature=relatedالفيديو 2 دقيقة

7- المذيع بيسألة اية هى اول سمة للتغيير للناس اللى واقفة في التحرير شايف انها هتحس بيها بكرة اعتقد السؤال واضح ,,,, رد الفريق شفيق و قال اى حاجة تخطر على بالك بأعتدال في التفكير رجعها للمنطق ما لم الحل ينطبق و المنطق بيقي الكلام مش مظبوط .... فالمذيع قالة عايز اسمع الجملة دى تانى ؟؟؟؟؟ ....... اللى فاهم حاجة يفهمنى بالله عليكو ادى اللينك
http://www.youtube.com/watch?v=4JUSVn8U-hM&feature=relatedالفيديو 1 دقيقة

8- المذيع بيقولة ماذا تسمى ما يحدث في ميادين مصر الأن و دا في شهر فبراير 2011 ؟؟ رد الفريق و قال دا تعبير حاد عن الرأي العام في شكل جماعى انت عيز تسمية ثورة مش ثورة طبعا و فضل يكررها و ادى الفيديو
http://www.youtube.com/watch?v=gikF8wosZZs&feature=fvwrelالفيديو 1 دقيقة

9- علاء الأسوانى بيسألة اية رأيك في العربية المصفحة اللى بتدهس الناس كرئيس وزراء مصر و اية رأيك في الناس اللى اتقتلت و اية رأيك في 1200 واحد عينهم راحت و كان ردة ( بقولك اية انت متلبسش الوطنية اكتر منى اناوطنى اكتر منك انا حاربت و و قتلت و اتقتلت و عملت كل حاجة و دا قبل التنحى و ادى الفيديو
http://www.youtube.com/watch?v=xePLkYq7EuY&feature=relatedالفيديو 2 دقيقة

10- و في لقاء مع الأبراشي بيسألة لو الميدان اشتعل في حالة لو بقيت رئيس قالة شفيق اللى هيشعل الميدان يطفى هو و الميدان بالقانون لأن دا مجررم .... طيب دا معناة اية!!!!! ؟؟؟؟؟ .... هو قانون اية اللى بيمنع التظاهر السلمى مع ان معلوماتى القليلة هى ان حق التظاهر السلمى السلمى السلمى مكفول لأى حد و داى الفيديو
http://www.youtube.com/watch?v=qlWOwMHpDWg&feature=related الفيديو 2 دقيقة

11- و تصريحة اللى بيقول فية ميصحص نقول ان اليهود اعدائنا
http://www.youtube.com/watch?v=K_UoPlNzEBU&feature=relatedالفيديو 1دقيقة


12- في البرنامج جايبيين صورة الدكتور عبد المنعم ابو الفتوح و الفريق شفيق بيسأل المذيع و بيقولة دا مين دا ؟؟ و طبعا الكلام بتريقة و بعد كدة قال ربنا يسهلة برضو بتريقة و بيبتسم بسخرية و انا اعتقد انة لا يصح انو يتريق بالطريقة الهزلة دى على رجل لية قيمتة زى ابو الفتوح و ادى الفيديو
http://www.youtube.com/watch?v=8JuN8h4IuEc&feature=relmfu و الفيديو نصف دقيقة

13- و تصريحة انو هيحذف القرأن من المناهج الدراسية او يضيف نصوص من الأنجيل و دوس يا معلم بقي من الأول في الفتنة الطائفية و التوقيع بين المسلمين و الأقباط و دا الفيديو
http://www.youtube.com/watch?v=2hrtdYXkc4U الفيديو 2 دقيقة

14- تصريح احمد شفيق ( للأسف الثورة نجحت و بعدين في جزء كبير منها انتكست تانى ) و دا الفيديو
http://www.youtube.com/watch?v=IbIRuLf5Fvg الفيديو 2 دقيقة

15- احمد شفيق بيقول علني بلسانةانو دفع 3 مليون في دعاية الخارجية زى الملصقات و 3 مليون على اعلانات التليفزيون و 4 مليون في الصناديق الا هو يعنى اية 4 مليون ي الصناديق
http://www.youtube.com/watch?v=Cu4nczoi3fI&feature=relatedالفيديو 1 دقيقة

16- الأنبا بسنتى يرد على احمد شفيق في مسألة الغاء القرأن من اللغة العربية رد مفحم
http://www.youtube.com/watch?v=OVOUlttdlnE&feature=relatedالفيديو 4 دقائق

كلام مجرد حروف

مش مهم مين المهم منين
وكيف وكام قلم وكف
قلم حبر بيكتب نسخ
مش جف
الدم فى شرايين العقول خف
القلب قرب من الخوف يقف
مش مهم مين ولا منين
المهم رغيف عيش ومنين
المهم انى اقضى لى يومين
اعيش بلا خوف لكن وقت الشدايد بالوف
اعيش زى المعيز زى حمارى الاليف
زى انسان ابيض نضيف
واموت من ذنوبى خفيف
خفيف خفيف

دموع الشهداء

دموع الشهداء

من جحا المصرى المصرى في 2 يونيو، 2012‏ في 08:10 مساءً‏ ·‏

العامةالأصدقاءأنا فقطمخصصةالأصدقاء المقربونمنطقة Gizah‏رؤية كل القوائم...العائلةاصدقاء جحاثانويه صناعيه كهرباء 1972ثانويه صناعيهمعاش ق مالمعارفعودة للخلف

يا مه يا ام الشهيد

شقى التوب للاخر

وارفعى صوتك دمعك ما يتاخر

ومدى دراعك دعا مديهم للاخر

قتلونى يا امه قتلونى

دمى ساح وراح قتلونى

وضحكوا ولامونى 

انا ياما ميت لكن حى 

كل وقت للصلاه والمدنه بتنده حى

وبكره يا امه جى واجيب حقى للاخر

......

......

يا امه يا ام الشهيد

مين جابك

مين نادى وشق اجنابك

مين قال اولدى

كل يوم فدا لترابك

مين فى الصدا 

يسمعك صوتك

مين وقت الندا

تفردى توبك

.......

.......

يا امه يام الشهيد

رصاص الغدر صابك 

 كنت فاكراهم 

اهلك واحبابك

شقوا جنابك

وقتلوا الفرحه

وشيلت الوقت والعوزه

وطلعوا براءه ومشيوا فى جنازة 

احبابك

يا مصر

يا مصر يا ام الهرم
يام التراب كفن

يا سمره سمار لون طينك
لون الصبايا على مية نيلك
شدى من عزمنا شدى
واقولى للارض اتهدى
وخلى ليالينا السوده دى تعدى
يا مصر
فى نهارى شقا ويحلى لى
فى ليلى مواويلك
يا سمرا سمارك ضى
انا رايح و ابنى جى
وحا يبنى بيوت الحى
والرايح لحم الجى
يا سمرا

 يا سمرا وسمارك اخضر على نيلى
اغنى لك تغنى لى
اشكى لك تبكينى
وبكايا مر مرارة القهر
والعوزه
لعيال يسندوا ضهرك
ويشيلوا سواد المر
اتارى عمرى فتفوته
ومرت بى الفوته
وخلص العمر يا سمره

جحا فى بلاد العجائب

المسخره ولا المبخره ايهما تختار
فى بلد المسخره وقلة الحيا وعلى عينك يا تاجر وسوق النخاسه
فى بلد يقتل فيها الخلائق وتاخد براءه
فى بلد قانونها زى كانونها مولع نار على الغلبان
فى بلد الحزن الوطنى والحريه والبهدله
فى بلد الناصح فيها كبيش هبيش مش متدارى فى خيش
ولا حاميه جيش غير عسكر ما تلاقيش
فى بلد المسخره كل شىء مباح حتى دم الصبايا الملاح
فى بلد المسخره تاخد على قفاك بالجزم والصرم وكل شىء متاح
سداح مداح ااااااااااااااااااااااااااااه من اخرتها ان كان اولها براح
اما بلد المبخره والدخان والمسكره السكه مفروشه حافى بدون جزم
لان فيها الف الفين ولى وشيخ وضريح سيدى الولى
ايد بتنباس وناس بتنضرب ميت مداس
فى المبخره عود ونار وعنيين بتطق شرار
كلهم اخيار انت اللى تختار اما الخيار او العود
طبطبت وجابت اخرها واولتها زى اخرتها موته
وفوته ولا عندى من متاع الدنيا فتفوته
دخلتها بلبوص وخارج منها بلبوص
لادرهم ولا فلوس
ادى اخرتها يابلد المسخره او المبخره
تقتل القتيل وتمشى فى جنازة المقتول
كلهم فى عرف الديك فلول لا رابط ولا مغلول
واقول يا زمن قول
بكره حا ننتحب على صوتنا وصواتنا

ان كان فينا باقى نفس وصوتنا 

جحا فى سوق الحمير

وزير

لامير والغفير 

عمرى ما كنت امير

ولا حتى وزير

ولا بحلم اكون غفير

لكن فى شغل ايدى قدير

عمر الفوته ما تمر

ولو كنت شارب كاسات المر

فاهم الفوله والفتفوته

ومتدارى بجنب حيطه

وسامع الهمسه والزيطه

وشايف اللى اتولد 

فى كل ركن فى البلد

كف ايدى سندعلى حيطه

بتقع

بلد

بلد ارضها عمران

ونيل يروى زمن عطشان

وناس طيبه وعرق شقيان

علشان امير جى

ولا وزير يقولك 

يا جحا

ما تنفع تكون عندنا خفير الحى

عايزين صنف الحمير

دا طلب الامير

بلدى يا بلد

نايمه ونعسانه

ومتقسمه

ميت حته وعريانه

مالك قومى مين هدك

لا عمرى شفت فى 

البلاد قدك

قومى يا بلدى مدى خطوتك 

مدى

هاتى نور شمسك وانسجى

توبك

مجرد كلاااااااااااااااااااااااااااااااااام

قالوا يا قلم

قلت بيكتب الامكم

قالوا يا تعس

قلت من افعالكم 

قالوا ياصبر

قلت ايش ينفعكم

قالوا يا زمن

قلت مرت ايامكم

.........

.........

اااااااااااااه من ابن ادم

دنيته واسعه

ساعاته فيها معدوده

وفاكرها متسعه

وكل ابن ادم مولود

ابن تسعه

.........

.........

ساعات ياخد منه الزمن

وكتير بيدى

والرزق مش بالدراع

والعقل واليدى

الرزق يابن ادم 

محسوب لا يجرى ولا يهدى

كان بودى 

اقول للتوهه من تانى

اتانى رزق الكريم

وعمرى ما اقول 

اااااااااااااه يانى

lمصر ليست للبيع

جحا المصرى المصرى

... تبيع اهلك بكام حتى وسع الكمام
تبيع عمرك بكام حتى بنى الحمام
تبيع صوت جنابك ووجع جنابك بكام
تبيع تراب موتك ولا انبح صوتك ولا كفن موتك بكام يا تربية اللئام
بكام تبيع عمر الولاد والبنات والساعات
تبيع عمر الغناوى ولا فرحه وحاوى ولا طرحه وحنة وطبيب مداوى ولا لمة غدا ولا قطرة ندا بكام
تبيع نسمه هوا ولا دمعة جوى ولا روح تنكوى بنار الملام بكام يا مسعور الكلام
خدام لمين فى عمايلك
قولى بس عمال احيلك
واجيب لك حلاوه واحفظ جمايلك
والجميل صاحبه واطى
انت عالى وعمال تطاطى
ولا تنفع للسراماطى
نص نعل باين عمايلك
اسمعك من تحت ضرسى
وانت حدوه فى حفر فارسى
ولا تساوى مسمار قديم
يابن اللئيمه وخلف اللئيم
ما تخلى قولك للزباينك
اللى ترقص تيجى تحايلك
وانت فيها واد فهيم
ياللى قاعدين تهاتوا
اللى راحوا واللى فاتوا
فاكرينها ترجع للقديم
مش كفايه مش حرام
انى اسمعكم من الكلام
كل يوم قبل ما انام
وحاخدكم بانتظام
لما ياخد قولى المرام
واتمسوا ياهلى يا كرام
اهل مصر الطيبين

الى الام السوريه ردا على صرختك

يا ام لم يعد لى سوى سنان قلمى فلا تغضبى منى 


اتقتلون الامل ..ام غالبتكم فيه الحياه
اتسحقون الجسد ..خوفا من نطق ما رءاه
ايا من ارعبتكم  مظالم ...وباتت تقض مضاجعكم 
سجود الجباه
تصرخ الارض من كل خطب ..انتم سقيتموها بالدماه


دمعا يفيض اذ ما تذكرت عدل الاله
اذ سئلكم انى اودعت الروح منى
وامددت لها الى منتهاه
كيف تهدمون مابنت قتلا وسفكا 
وداست اقدامكم الحياه
الا تخشون الاله
الا تخشون الاله 
الا تخشون الاله
ام تناسيتم انى انا الله

جحا المصرى انسان

جحا المصرى انسان
خوفى من الديان
لا بشر ولا مدر ولا حجر ولا صوان
ولا حتى كلاب سلطنه ولا حرس سلطان
الاوله كانت ملامه واللوم على كاتب
والتانيه كانت علامه ومين بيتعايب
والتالته طولة لسان وقصر ديل وعلى صولجان راكب
الاوله الملامه لقليل الاصل بوس الايادى طبع واذيه
والتانيه كترت جمايلى فيك واخرتها سب وملطشه فيا
والتالته اداوى فيك جرح االاحبه اندمل وجرحك غيا
اااااااااااااه من كلامى ان طال الامل كملته
ادارى بيه عوجك والعوج فيك كملته
اذيتك طالت اهلى وناسى وقولى كممته
لافرد يا قليل التنا قولى وقلوعه
ومنين ما تودى ريحه لاعسر قلبى فى ضلوعه
ولا اسيبك يوم يا عويل تتحكم
ولا تحكم الا لناسك وناسك متعوده تتلجم
لكننا يا عويل شربنا من نيل وقلوعه
ومركبه فرده قلوعه وريح البخت اتيها
وبكره تلاقيها تمد اللقمه والهدمه
فاكر زمان ولا ارجع افكرك تانى
اااااااااااااااه يانى من قليل الاصل له فوته
ولا سكوتى فكرك ان دا موتى

اصحى وفوق دوم فوق الزمن دوار
ان دار بالاصيل دوم يتحمل
ولا يتجمل على غيره بمعروفه

مصر

شفت مصر والهرم
ولا شفت نيلها اللى اتردم
ولا ناسها
اللى فاسها كان بيوكل امم
شفت شمس مغيمه ولا طيره مسهمه
ولا حبة رمل مضلمه ولا صفحه فى كتاب الزمن
شفت الليالى زى الخوف ساند على الجدار
شفت عذابات الامم ولا جتت بقت رمم
ولا ناس راحوا من خراب الذمم
ولا طلعة شمس على ارض النيل والهرم
طله لكن بتدارى من فعل معدومى الضماير والذمم
تلاتين سنه بنت امم رفعت همم
امجاد القدم تتعدم
تنضرب بالصرم
ااااااااااه من كتر الوجع وياخوفى يكتر الالم
وبعد خمسه وعشرين يناير نرجع ننضرب
على قفانا بالقلم
ليييييييييه
هما هما نفس الوشوش
متغيروش
ماسكين فى نفس الكراسى متبدلوش
راكبين على النفوش منزلوش
ونقول ايه حوش وحوش
لانها نفس الاسامى نفس الوشوش
مصر باقيه وبكره تندفن كل الوحوش

والوشوش

انا ابن ادم

تعالى نتسايس 
قلت انا ابن ادم مش من صنف الجمايس
قالوا تعالى تتعلم 
قلت هو مين فهم من اللى بيتكلم
قالو لى مالك كده خالع هدومك
قلت ماسك مسمارى وقدومى 
من زمااااااااان قبل الدنيا ما تقرا
عرفت اقيس الزمن وعرفت ايه بكره
وحسبت حساب السنين وسايب لكم عبره
تاريخى قديم انكتب ومعاه متين فكره
يا ميت خساره على الولد وحفيدى
مادد بايدى يشحت لقمته عبره
تاخدنى فكره ارجع اكون سايس
لا من قطنى لابس ولقمتى زفره
ااااااااااااااااااااه يا زمن 
الخسيس بقى يؤمر على سيده
واخرتها تقول لى تعالى نتسايس
اصلى من ابن ادم مش من صنف الجمايس 

جحا رئيسا

كيف يا جحا وانت معروف عنك الفكاهه

ونوادرك التى تمر بالزمن فلا تمحوها الايام 

فهل يقبل الشعب بك حاكما لهم 

هههههههههههههه

منذ زمن بعيد بيع حاكم الشعب فى سوق النخاسه

واشترته مالها مال 

فهل تؤكد ان جميع من يريد ان يكون رئيسا 

انه حر لم يباع او يبيع

او قد دفع ثمنه سرا

هات ما عندك ان كنت واثقا 

فياليت منهم من كان حرا 

فالكل عبيد 

منهم من هو عبد لذاته 

ومنهم من هو عبدا لسواه

ومنهم من كلن عبدا للكرسى

ومنهم من مازال عبدا لمن سبقه

ومنهم من رءاها مغنما

ومنهم من قصدها ليقال

ومنهم من اخذته غرور الدنيا فارادها

وهو اقل شئنا 

وهنا السؤال 

من منهم عبدا لله 

يرى فيها ما فيها 

وهو كاره لها

من طلبها وهو راغب فيها اذلته 

...........

ولما انت تريدها يا جحا 

اريدها عدلا تراه العيون 

يبقى تحت جناحه كل من تدب فيه روحا

اريدها كى تخضر الارض بعد بوار

ويعلوا فيها علما بعد فرار

ويامن فيها السائر

والنائم والعارى والجوعان

اريدها وقد علت بايدى ابناءها المحبين 

اريدها ترهب اعداءها المترقبين

اريدها مصرا امنا للخائفين

وخزائن الارض الى حين

..........

ومن يرضى بك حاكما

على كرسى وصولجان

من اراد ان يكون جحا حاكما 

فعليه ان يفرق بين ما هم فيه وما اريده

فهل يا هل مصر الطيبه ترضون جحا 

حاكما

لله يا محسنين لله

لله وطن ارض ومرعى وسكن
لله ناس تمشى لاكل عيشها ما تنداس
لله يامحسنين لله
لله لقمة عيش مطهره وحتى مش متظفره
لله هدمه خيش تدارى الجسد و حتى من تراب السكك متعفره
لله ارض مالها ملك ولا سلطان ولا امير 
ولا حتى فيها غفير
لله ناس قلوبها بيض وبسمه على الوجوه بتزيد
لله يوم نعيشه من غير نكد 
لله يا محسنين لله
لله شايف ارض العبيد كترت
وميت قيد حديد
والقلب بقى شديد
والصبر ماله جديد
ودمع البكاء نهره ما جف
ودبح الخلايق كتر ما خف
ولون السما ازرق وسواده لف
لله يا محسنين فرغ صبرى
وكلها ايام وادخل الى قبرى
اياهل ترى الاقى حد يدينى
ولا الف السكك وانده واقول 
لله يامحسنين لله 

زمن التوهه

زماااااااااااااان كنا ومن كان معنا لم يخون
الا من لعبت به الامانى وتاه وسط الظنون 
زمان تمنينا الامانى شهادة اغلقنا 
عليها العيون
حملناها فى الثنايا فى صيام البطون
كانت دعانا فى سجود واغانينا وشجون
......
يا من كنت منا لما خنت حتى
سالت منا دمع من جفون
ومزقت كل قلب والقيت به فى السجون
بين جدران صامتات ساكنات
داكنات على ضى العيون
انهون بل مثلك يهون
وكل مثلك فى غى يعمهون
........
اترانى استبق حوادث اتيات
ظاهرات لمن اغلق جفون
ان فتت عافية السواعد
ففوق جسدى لن تكون
يا من تريد ان تكون
فانا فى القلب احيا وبين حبات العيون

الامير والغفير

الامير والغفير 

عمرى ما كنت امير
ولا حتى وزير
ولا بحلم اكون غفير
لكن فى شغل ايدى قدير
عمر الفوته ما تمر
ولو كنت شارب كاسات المر
فاهم الفوله والفتفوته
ومتدارى بجنب حيطه
وسامع الهمسه والزيطه
وشايف اللى اتولد
فى كل ركن فى البلد
كف ايدى سند
على حيطه بتقع بلد
بلد ارضها عمران
ونيل يروى زمن عطشان
وناس طيبه وعرق شقيان
علشان
امير جى ولا وزير يقولك
يا جحا ما تنفع تكون
عندنا خفير الحى
تستكمل قريبا 

الفصيح والصريح عن الفهود والتماسيح

ككنت فاكر نفسى فصيح ولا صريح
ولا من امتى  ياديك تقدر تصيح


كنت ناسى الماسى من هيلاسلاسى
ولا لعيب خماسى 
اتارينى كتكوت بصوصو بصيح
انتا ياواد العب مع الولاد وحاسب من 
الفهود والتماسيح
الفهود ما لهاش خدود تبكى عليها 
ليها فى اكل الفصيح الصريح
ويا عينى على التماسيح
تاكل تعض التخين تهد الهبش عندها جد
مش لعب وتفاريح

حلم ليل طويل

بعد السلام
وحلو السؤال
والكلام اقول
ياخال الهم هم انى

كانت كتير سمن وفطير
وطيور تطير وبندقية غفير
وصفارة نفير واذان وجرس
وميت حرس وفرس
وقلوب وناس وطيبه
وقاعده وتلم اكبر مصيبه

وفات زمان الامان
وان اتكلمت بكتمان
وان زعقت بتتهان
ورضيت بالخوف
ونشف الجوف
اشوف
لكن العيون ضلمه
والقلوب كاتمه
والسكه للنور عتمه
وفجر بعد ليل طوووووووووووووووووووويل
اتارى الدنيا لسه عاتمه
والشمس مغممه
والسحابه سوده
اترينى كنت بحلم
ان الفجر اذن
قمت اصلى