سكون موت

سكون
سكون صمت صدى صوت ات
يقول لى قرب الممات
كم من العمر راح وفات
وكم من احبة رفات
............

ومريض عاش وصحيح
اتته المنايا سابقات
وعجوز مازال يشقى
وصبى ورضيع مات
اتدرى ايها الجبار
ان البقاء ليس فوات
فانى اعلم يوما لى ات
تسكت الحروف وسطر وكلمات
وصمت بالقبر اذ رايتنى بعض من
رفات
انى يارب استعيذ بك من قبر ظلماته
ظلومات
واستغيث بك راجيا املا فضل جودك
رحمات
بحق طه الامين النبى الامى عظيم
الخلق مجاب الدعوات

كان لى فى الزمان خلى

كان لى خلى

كان لى فى الزمن سنين
حنين وقلب شوقه ضنين
وناس قريبين مونسين
والم غربة وقريبين

وتهت وانا راضى
حكمك كان ظالم يا قاضى
وافتكرتك من الهم فاضى
وعايش مبسوط وراضى
وخليت البحور مخاضى
وجراب هم فاضى
اتارى كنت غايب
وفاكرك حبايب
وضى النور بكفى
تطفيه وشاور لى غادى
يعنى امشى الناحيه دى
رمتنى فى بحر ذلى
لالاقى فيها ضلى
ولا ميه علشان اصلى
تراب يكفى ساعاتى
اه مت التوهه يا خلى
نقى صاحب وخلى
ولا تمشى فى ضلى
شمس دايما تملى
تروح بالساعاتى
كان
وكان وكنى يا نفسى
دوم تئنى من فعل الغرايب
كنت فاكرهم حبايب
على التوهه عودونى
وبحر المر سقونى
وسوقونى بيعه فى سوق
الملامه
تنفع ايه الندامه
كان وكان وكان
ماضى من زمان
وكان

 

العدل والحساب

جبر الخواطر على الله

وقسمت العدل حوسه

القاضى ياكل اللحمه نيئه

وكفايه على حبل الجاموسه

ميزان العدل ايه جرا له

سلاسل القيد شددوهه

القاتل ياخد حصانه

والقتيل جتته فتفتوها

الطرح ناقص ربايه

خلى الفاظك حسيسه

الناس بتسمع كلامك

القاضى حكم بالبراءه

على

ولاد الخسيسه

والجمع جمع الندامه

لبس توب السواد

لاينفع فيه الملامه

رباية ولاد اللئيمه

ااااه يا بلدنا حيروكى

ميه ملحه وساقوكى

وتوب العفاف خلعوكى

ولعنوا جدود سلسفين ابوكى

ولاد عم خال ابن بنت اخوكى

انتوا بقى احسبوها

اوعى حد يقول لى هو دا طرح غلى

لا واطى ولا على

كله ماشى فى ضلى

وتوبى مهلهل هلايل

يدوب من طولى طايل

وعرض السكك نص مللى

يدوب يكفى جمايل

ضلوع تلاته تساويهم

ان راح واحد تلاقيهم

راحوا فى دنيا البلاوى

عدل على الكل ماشى

ودستور ياعم يا غباشى

يحمى  رجلين الكراسى

وشط بحرك يا بلدنا 

عايم من غير المراسى

والغلابه فيك يا بلدنا

ناس توحد باريها

عايشه تحسب حسابها

مالها وما عليها

بتحسب

 تجمع وتقسم

و تطرح اللى عليها

ادى حساب كنت ناوى

اكتبها كلام للغناوى

وكنت مع طبيب مداوى

حاطط همى فى بلايا

حمدت ربى انى عايش

ورجعت اعاكس واناكش

وعارف يوم الحساب

فجر النهار

مش لما اموت

مش لما اموت تفرحوا
ولا تطلعوا الجنازه
وتتموا يومها الجوازه 

لما اموت فجر النهار
وكلب صابه الصعار
وناس بس صغار
لما اموت سواد الفجر يطلع
وكلب الصعار يشبع
وناس الصغار ترضع
لما اموت انصبوا الهيلمان
وداوو البكا بالدق على الودان
واملوا بطون الجوع لبان
لما اموت شمسكم
ما تضوى نهار
وتشربوا تانى دموع الانكسار
وتلفلفوا فى التوهه تلاقوا
الف الف مليون جدار
ومن تانى
تستنوا فجر تانى
وسنين تقولوا يابخت من بكانى
وعمر يروح ماله عوده تانى
وابقى زى ما انى
فجر النهار
يا فجر النهار لك فى زمن البكا عوزه..
...ناس تشوف خطاويها ممدوده..
.وناس ترجع ترفع البنا فيها .
.. وناس تتدارى فى مخابيها .
...اصلك يا فجر النهار تعمى مقائيها
وتفضل يا فجر النهار باقى
لما خطاوى الصابرين تجمع
وتبطل عيون البكا تدمع
وتطرح غيطان الفرح وتشبع
ورد ابيض بلون فجر النهار

الفرح

الزفه دقى يا مزيكا

ودى بقى تحيه علشان خاطر الحبايب
اللى حاضر واللى غايب
واللى ناوى يقلبها ضلمه ويفرح فى المصايب
وده جنيه تجيب به ايه تشترى بيه لمونه

ولا نص حتة صابونه والطماطم المجنونه
طب رغيف وياريت تلاقى رده وبواقى
وتحيه ومسا للناس المأسسه
ومستريحه وكويسه وفوق كراسى
مقرفصه للمهالك مبصبصه
وكام قضيه وكام فلوس والضروس مسوسه
والسوسه طالعه عايزها ولعه وال تبوس
اااااااااااااااااه يولاد البهايم والصنف جاموس
اللى يزعل من الليله يتنيل بنيله ويحذفنى يدوس
خلاص زهقت من البلاوى والى فاهم عمال يدادى
يزعق ينادى وصوتهم عالى بيسمعوش وهوش
الليله بيضه والزفه سودا ما بتشوفوش
تحيه وسلام خلص الكلام
ما تضحكوش

با قلب

قد رنا اليك قلب 
وقلبى فى هواك معيب
اراك تسهو عنى بناظريك
واراك كالشمس عند الغروب
انزع الشوك عنى براحتيك
فلمس بهن قلبا يطيب

قد رنا اليك قلب
وقلبى فى هواك غصيب
جفت مدامعى شكا
وغيرة بمن تصيب
فهل لى فيك قدر
او جفوا منك نصيب
فاعلم ان دمعى
لمن يرى مكنون سرى
وعلانيتى رجاءا ان تشفع
عن ذنوبى

ااااااااااااااااااااة يابلد

اااااااااااااااااااااااه يا بلد

بعد ان تفرق الجمع
وانهارت من الجفون الدمع
وانبرت شياطين الذل والقمع
ظهر الديدبان انسان ملىء السمع

فقال واسهب فى المقال خوفا ان يقال
ظهر كالجبان يسير فوق جماجم وجثث
ينظر كالعسس له عينان فى وقت المحن فى كهفه لبث
ظهر كل ذى جب ينتظر الجثه ان تجب ياكل بلا نصب
فى غير حل ولا ادب فماكان له من معلم ومؤدب
ايا مفرق الجمع والشمل الا تمل
انها امة من اعرق الامم فارحل بصحابك خربى الضمائر والذمم
ااااااااااااااااااااااااه يا بلد انك ضللت الطريق
وسار كل فريق وغداكم غريق
فى بحر اولئك وهؤلاء
فقد صوت بح وحبر قلمى شح
وبوجى عن دنياكم اشيح وبدا عمرى فى المشيخ
ولا ادرى اارى يوما نوركم يشع فى هذا الفضاء الفسيح

الحساب

الحساب

جبر الخواطر على الله
وقسمت العدل حوسه
القاضى ياكل اللحمه نيئه
وكفايه على حبل الجاموسه
والجمع جمع الندامه
لبس توب السواد
لاينفع فيه الملامه
ااااه يا بلدنا حيروكى
ميه ملحه وساقوكى
وتوب العفاف خلعوكى
ولعنوا جدود سلسفين ابوكى
ولاد عم خال ابن بنت اخوكى
انتوا بقى احسبوها
اوعى حد يقول لى 
هو دا طرح غلى
لا واطى ولا على
كله ماشى فى ضلى
وتوبى مدور هلايل
يدوب من طولى طايلا
وعرض السكك نص مللى
يدوب يكفى جمايل
لضلوع تلاته تساويهم
ان راح واحد تلاقيهم
راحوا فى دنيا البلاوى
عدل على الكل ماشى
ودستور ياعم يا غباشى
وناس توحد باريها
مالها وما عليها
الدنيا سطور

ما تحسب لك وعليك
ولا تجمع وتقسم
ولا تطرح اللى عليك
ادى حساب كنت ناوى
اكتبها كلام للغناوى
وكنت مع طبيب مداوى
حاطط همى فى بلايا
حمدت ربى انى عايش
ورجعت اعاكس واناكش
عارف يوم الحساب

مش سايس ولا سياس والدنيا فى رجلى مداس

مش سايس ولا سياس
بما انى مش غاوى تلفزه ومحبش النرفزه
...ولا الدكتره والاستذه
وفى حالى ولا على بالى ولامم حوليا عيالى ..
.وساكت سكوت التلمذه ..
. ان شلت الهم اقوم اتلم على كتاب داب من القدم من ايام الصرم

امءء عينى وادارى وشى فيه
وعارف انى مخى سداح ساح
وخاصة من وشوش تبوش كانت مداريه دماغه بطربوش
ووشوش ما يستحوش على كل باب دايرين يلموا قروش
ولا نى من البدرشين شفت البدر شين
طرقعت صوابع ايدى اتاريها صدى حديدى
وان كنت فاهم يا جعيدى ان الكرسى برجلين
وقروش وكروش وعمم وذمم وايدين تنباس يلزمها ضرب مداس
وورقه بيضه فى كراس مكتوب فيها
جحا المصرى المصرى لا سايس ولا سياس

 

غلباااااااااااااااااااااااااان

غلبان

والغلب يهد الوسط
ال ايه الواد ارتست فنان
والفن جايب له جنان
من ايه من هز الوسط

والغلب دا حالى
دا انا خالى
لقمتى بقسمه لعيالى
والضحك بالصوت العالى
غلبان
والغلب رضا نفس
وحافض ميت حصه ودرس
وايدى مش تحت الضرس
و حمارى فاكهته ربطة خس
غلبان
اتوجع ووجعى لمونه
تدوخنى بنت المجنونه
لا بشوفها ومعاها زيتونه
ولا بيضه جايه بكرتونه
يا سلام
الغلب دا نعمه
لا راحة بال
وغلب عيال
وكترة مال
حسب الاحوال
ولا عم وخال
وغم وهم وشغلة بال
واجيب شيال
من وجع الضرس
وبس
جحا المصرى المصرى

 

ايا نااااااااس

ايا ناس

ايا ناس مش بنقل من كراس
ولا عمرى شكيت من حد
ياعمنا رق دماغى
سخنت من كتر الدق

وفاكر نفسى فلحاس
بشرح كل دروسى
استاذ فى علم البق
بقه وواخد فيها الدك
تره فاهم فى الدس
تره وعامل خدى مداس
ايا ناس انا مش بنقل من كراس
ايا سيدى فهمت الدس
ايا فالح اوديك البحر الملح
يقول لك عديته ازاى
وعديت الجبل المر
شايل تقلك وبجر
جر هم سنين
وحنين لتراب الموته
فدا عمرى الفتفوته
كنت ايامها صغنتوته
بفيونكه مربوطه
اياناس مش بنقل من كراس
وبحب الناس ولا بكره
وبكره يبيض الشب
وحا تعرف وتشوف
كام ليل يطلع له
نهار وديار تتهد
والدنيا اغيار وغبار
ولا يبقى الا الجبار
ويا ناس كل له كراس
يتناوله باليد وبجد
جحا المصرى المصرى فى يوم

6..10...2012