زمن الخوف

خلاص
ناقص ايه تانى ماكتبتوش
ولا نسيتوا وما قريتوش
ولا عرفته وقريته ونسيته
يمكن عايش تانى فى توهه
ولا بلدنا بعتوها
بكام ولمين وناس غيرنا
تاكل خيرنا تاجرنا تقتل فينا
تعرينا وتبيع فينا اراضينا
كفن الموته والحدوته
وضلة توته 
وباقي لنا ايه نسيتوه نستونا
كان  املى فى بكره
واعيش لى يومين افتكر
من العمرسنين اتارينى نسيت
ان الارض شايلانى بخطوه
ولقمه وشربه ميه من نيلك
ضلمه ليه قناديلك فين النور
فين شطك وشطارك وكتابى
وكتابى فين بسمه مرسومه
على جدار نهار بكرهه
وقلوب بتحب ما تكره
وناس الود شايلها على كفوف
بتتلاقى وتتفرق
اتارينى مع كتير بغرق فى موج عالى
وسفينتى خشبها داب
وراحوا كتير من الاحباب
اسك على نفسى باب
طيب مين يقرا للولاد فى كتاب
يعلمهم يعرف قيمة بكره وامبارح
وانا سارح فكرنى صوت الدم
حاسب يا خال ولا ياعم
وصرخة ام يدوب بتشوف
والضنا فى حجرها ملفوف
عداك مين ياضنا عمرى
يا نضرى وسند ضهرى
شيلتك فى حشايا شهور
وشفت النور وبات الحشا مهجور
عشان تكبر وتتعلم 
ابات من غير عشا لشهور
اااااااااااااااه من حرقتك يا ام
عدانا مننا وفينا بيشرب دم
ويرتوى ميه من نيلك
 وحافظ كل مواويلك
يا خال ياعم
يا شيلة الهم
ورجعت تانى فى توهه
احبس خوفى وكسوفى
ان بكره من امبارح
ممدود الزمن تانى
ويا ما نشوف فى زمان الخوف