الاخوان من ادبيات جحا المصرى المصرى

يا ساده يا كرام كان ياماكان فى سالف الازمان واحد افندى لم معاه كام راجل قال يهدى اصله كان مهدى خوجه فى مدرسه صاحبنا لم الناس والناس ناس غلبانه ونص علام وكلام يجر كلام ياسلام فرصه يكون قدام مقدام وهنا نقف ونقول مش ذنب صحن الفول
على طول صيت وصويت وناس ماشيه جنب الحيط خدام لامام وسلاح وشباب ومعسكر للضرب بالقباب وجه وقت الموت وراح منهم ميات وتشوف العسكر ملفوف وذاد الصيت قدام فى حرب كتير المصرى مقدام وشيل الطين وفلسطين وراح فى طريق ومعاه كتير وفاروق وثورة جيش وسجون وشجون وعمايل بيه مجنون خلى العالم مافون ولملم كل مله وماليش فى دى يا شاويش وسكون وسكوت وناس ورا ناس وعد فى كشكول وفى كراس ميت قفل وترباس مقفول وكله من اكل الفول .......
مقفول وعقول عرفت معنى الضلمه وتخاف النور والسور مكشوف تمشى بخوف وسط الوف ماتلوف وخير برفوف وتاريخ وسطور مفهوم بسطور بساطور يشق بطن الضى وسنين بتجرجر فى سنين ومنشار بسنان وحجر سنان مش سيف وسنان الرمح علامه ان بالخلاف ملامه مدفونه جوه قلوب مليانه تلف وسلف وديون اوعى تقول لى يا مجنون عمر ماكنت انا عاقل ولا غافل عن طبع جدار الجبس وسواد الحيط يعمى فيها القلب وساعات تكون مكشوفه لكن البصه ولا الشوفه كانت عميانه من باطل متحكم فى رقاب الخلق كان بندول الساعه بيدق بيشير لنهاية باطل بايدين الحق هروووووووووووووووووب

هروب متحدد لا معروف لا بس هى ظروف وخراطيش وظروف وسلاح وناس اجناس يمكن انجاس لكن هى الدنيا مداسات قصدى مقاسات وهدوم و شموم وريحه وتسريحه وزكايب ماينبنا من الهبشه نايب ونصايب ما احنا نسايب وسنين ملايين مركونه تملى مليون كرتونه وناس شرقانه لبلعة ميه عطشانه منحر الفقر زمئانه وحال واقف ومواقف مليانه بشر على لقمة عيش بتدوخ وناس متفقه مع مردوخ بتزين كل عروسه وياريتها تبقى جوازه بعيد عنك شوم تعرف ايه يعنى صوت البوم نسوان وحريم بترعى برسيم بتزين كل عروسه لزفه وهليله وطخبيط وطيط وزمر وزغرايط اتارى البير فاضى وغويط وان كنت عبيط تصدق ان الكرسى يدوم اقدام وكلام من الاخر خدام ولمين فاهمينها يا مصريين ولا اعيد من الاخر
زماااااااااااان قالوا القفه بودان وتشيل تخبى عويل وقتيل دمه يملى زنبيل ماشى على سكه شوف مخطوف مخنوق من كتر الخوف اتارينى نسيت الخوف لكن مستنى اشوف ملهوف على بكره يجينى يودينى لقبرى فرحان مبسوط مش همى مربوط ملفوف على كفنى كلام باقى لقدام واقابل وجه كريم اشهد له بالتسليم مهموم سنيين الدنك فاتت وفرحان رغم بحور الدم شباب ورد البستان كنت هناك من قلة شوفى رحت احقق حلمى بيتحقق وسنين الجبر خدتها سنين الصبر وجالى وحالى نقبك طلع على شونه وناس زى المجنونه وقلت ساعتها بلاش العقل دا زينه قالوا لى حطه فى بترينه بقزاز ولا لفه للزمن التانى هو انا خارج من بستانى علشان عقلى ريحنى اروح على مورستانى العقل مافاتت ايامه لاخابيط شخابيط زى العيال على حيط اكتب يابن المجنونه عشره بقرش يا لمونه مسكوها ولاد المجنونه خلونا نشتى فى بئونه .....يا تجيب الفول يا مش قايل توته توته
ولم تنتهى بعد الحدوته