عجوز ومتصابى ( جحا المصرى )

عجوز وكاتب 
على مصر موالى
وعمر فات ولا يوم
قلت وانا مالى
ماسك فى القلم
يكتب احلام كتير
تفرح وامالى
ولما اشوف
فرح ااقول
عقبالى
....................
يا ميت ندامه
عمرى فات
وقصر وقته
ذقت المرار فيه
والحلو كتر مر
يا شجرة الدر
متزينه بتوبك
وبالقبقاب
موتك ومكتوب لك
.................................
عجوز ومتصابى
كتروا فى الدنيا احبابى
الا الامل فى سترى وعذابى
ياما ضحكت من قلبى
وياما نزف دم اصحابى
يا جهلى بك يا ربى
امتى تحاسب
اللى ظلم واللى قتل
و الجابى
.................................
عجوز ومالى كده
سكتى عوجه
امشى ساعات وحدانى
وساعات مع الهوجه
سئلت شيخ فصيح
قال ان جاتلك الريح
اركب الموجه
...................................
عجوز وبر الامان
مركبه وشراع
يا ريح سايقه العوج
امتى الحق اللى راح
لافرد للامل قلعى
وازرع للموده شجر
واسقيه من دمعى
يطرح عناقيد محبه
تنور لى بستانى
انا الانانى
معرفتش احفظ اللى راح
...............نقول تانى للى بينسى يفتكر
عجوز ومتصابى