تعالى ياطبيب العدا شوف جرحى واتشفى
وشوف جراحى بان منها العضم والشفى
جزارين البلد دى ايديهم على الخلايق دبح
لايهم مين اندبح ولا عدانا يتشفى
لا صوت يقول اه من الالم والدبح
يسلخوا جلدنا من غير دبح ويتشفى
فى شرع مين قتلتوا الاه والانه
وعيالنا بالجزمه وبلا لزمه دوستوهم
زمان دسنا على عدانا ورحمنا
يامين يرحم عيالنا من اهلهم دبحوهم
ياصاينين العهد عهدى على العدا باقى
عهدى مع اهلى ما صانوه ودبحونى
ليست هناك تعليقات:
إرسال تعليق