اسم الشهيد

معاك قلم
على بياض العلم
تكتب اسم الشهيد
معاك كام من الحروف
تعالى شوف
كام من الكفوف
تقدر تلم الصفوف
ولا تنادى باى صوت
الا دم الشهيد
يقدر يجمع السواعد
والكفوف صفوف
دم طاهر بالبراءه
من قلب مليان جراءه
دم طهر التراب
حى موجود
مش سراب
والجبان جبان
هربان تداريه
الببان والحيطان
تقدر تنام
تقدر ترجع اللى مات
انت بشر مش اله
كرباج السلطان كان فى ايدك
لكن عمره ماكان يفيدك
اكتب على بياض العلم
اسم الشهيد
بدم الشهيد
مصرى ابن مصرى
والام مصر