شفت الاه اهات

شفت الاه اهات
تهز جدار السنين
وتغطى على الحنين
وتملاه انين
سمعت صوت المكتومين
ولا ناى حزين
يداوى جراح الطيبين
شفت الاه اهات
من العدل اللى فات
ومات واتلفلف رفات
وناس جوه زنزانات
ومدهوسه بمجنزرات
ومدافع دبابات
ورصاص حى ومات
واللى مات  مات
شفت الاه اهات
فى سنين عمرى الطويله
ايام منها جميله
ويمكن ساعات
وصحة ناس عليله
ولقمة العيش ذليله
ورغيف يكفى عيله
وناس تموت قتيله
من غير سيئات
شفت الاه اهات
ولا شميت الانيين
والا سمعت السكات