جحا المصرى المصرى
ياسى نزاهه النزاهه بالفكاكه والبقاقه وكل حاجه فيها اكه جت ال تلازم البلاده والتلامه والغلاسه والسماجه مشرفينا فى الدواير والحواير والسرادق والبيادق رافعه رايه الهباش والكباش والطناش وب بلاش والخزاين مفتوحه لهم من زمان تبعتر تبعزق سيدى بعزق لا بيعزق ولا يعرق مالى كرشه من زمان والبلاده والتلامه وميت ندامه ياسى نزاهه من زمان
دى النزاهه يا سلام
افتخار با قتدار وان شكيت ولا بكيت
م الاعادى من المعادى لابسله جزمه وميت شراب
جااااااااااااااى يااااااااااااااااااااااهوه
الشراب مر وعلقم
والرغيف نموت عليه
بالمناسبه عايزلى جزمه صوابعى طالعه من الشراب
رغيف بموته ولا قوطه وهى موته مش حرام
يا سلام كان ليا قمحى وقطنى وجازى راحوا فين
بالنزاهه والعم سام ساموا معاكم باقتدار
وسكنتوا البوم الديار
والنوايب جايه تنايب على اللى باقى مش حرام
النوايب والمصايب والمكاسبوالمتاعب والشدايد
والوكايس فى جراب والجراب يحاوى كل وكسه وكل نكسه والمستخبى
له يوم يبان ويتعلق على الحيطان والبيبان
جاتنا نيله قاعدين نهاتى بالكلام
لم دورك لا يجى دورك
ويهدوا دارك على اللى فيه
اتلم ياجحا
وهات برسيم وعيش
ولا كف فول وتبن العجول
كل وبرطع فى الوسع زى الفحول من العجول
حمار بيفهم صحيح
ليست هناك تعليقات:
إرسال تعليق