كنت فى مستشفى بموت
داعمرى انكتب تانى
اعيش واشوف
يوم الانتحار العظيم
عجب رجب يصوت
للجميع اللى مات
واللى فات واللى جاى
واللى راح واللى قاعد براح
قاعد دا باشا واكل بغاشه
وغيره لما لاقاها فاضيه
ملاها
دا يوم الانتحار العظيم
والله العظيم
شفت نعينى ماحد قال لى ان اللى دافع هو اللى كاسح
وان كان ما لو لزمه ولا قيمه رباط جزمه
المهم دافع وله منافع
يوم الانتحار العظيم
تسمحولى اموت لى موته
احسن ما اعيش
بدون كرامه كرامه ماتت
وفضيحه فاحت
ريحتها نتنه
والنتانه داء
مالو دواء
حزن واطى غلب اهاتى وعمال اهاتى
اخرتها موته واهى ماتت
شريعه وقانون
بكر تشوفوا يوم منيل مهبب مطين
بالجزم ياشعب تتبهدل
وما تقولش اه
ولا ليه
وتخليك وليه
ويلبسونا طرح
ونرقص من غير فرح
شويه حراميه
وبلطجيه
اه يا شعب مالك راضى بالمذله دى
ليه ياشعب عمرك مارضيت الاذيه
باقى ياشعب ايه بعد المسخره دى
قوم واصحى وفوق
انفض الغيبوبه وروق وطهر الدم والعروق
واخنق العصابه دى
كفايه مص الدم وشيل الهم
ولقمه بغم كفايه وعليك الكفايه
وكف ايدك هو البدايه
هو البدايه كف ايدك هو البدايه
ليست هناك تعليقات:
إرسال تعليق