نفسى فى يوم

ياريتك ياخال تسمعنى
ياخال والخال والد
نفسى يوم الاقى عقد زهر على صدرها
ابيض لون النهارعلى اهلها
اخضر لون زرعها على ارضها
اصفر لون قمحها ورملها
احمر لون ورده على شطها
نفسى ما اشوف الدمع على خدها
وان تعبت ارتاح فى حضنها
تلملم جروحى بكفها
نفسى اعيش فى قلبها ما ابقاش غريب وانا اهلها
واللى منها لها مايروح لعدوها
ويرجع يتباع لاهلها
نفسى يا خال تتبدل الضلمه نور من علمها
وولادها يرتاحوا فى ضلها
نفسى يا خال اسمع لها
تنادى ياولادى
زى انا وانت سمعنا لها
وخطوتنا هزت الارض تحت عدوها
ياااااااااااااااه يا خال
يا ما فيكى يامصر رجال

يا ام الرجال