فى الطب ماليش
والعقل مافيش
وقلبى يجرجرني
اشويش طيب بشويش
امسك ايدى اعدى ليه تجرى ما تهدى
شايف سى لافندى
لابسنا طرابيش
وشاويش وغفر بخراطيش
واوامر تلم الالاديش
وعساكر جيش وفوس ونفوس
تحفر قنا من بور لسويس
طيب كام مات غندك يا شويش
يا بلدى ماتعديش
كام سنه ماتت
والميه فاتت على جتت الالاديش
يامصرى ماتعديش
يا بلدى
مالكيش
باعها ابو طربوش الباشا
كان نفسى اعيش
واعمل جيش
وعرابى
ايه جابه فاكر ان جنابه
ظباط جيش
يومها الارض اتشقت
حرافيش والاضيش وعساكر
وشعب وجيش
اتاريك ياباشا نايم
مش فاهم
لما تقول للمصرى على ارضه
ما تعديش
ولا ما تمشيش
يا سنه سوده
ارضى دى فرضى ودينى
وحبة عينى
وسنينى قمحى وعجينى
واغلى من روحى مافيش
ارضى دى لحم
جدودى وحدودى ماتعديش
وقامت لك يا باشا القومه
وجابت لك من عومه
كام ظابط وعسكر وشويش
مله غير المله
يا اخوانى بسم الله
الباشا ماجر جيش
ونكمل بكره حكاية مصر
مكتوبه يا تاريخ من فجر الدنيا
حتى ادان العصر
ااااااااااااااااه يامصر
ليست هناك تعليقات:
إرسال تعليق