كلام قهاوى جحا المصرى المصرى على القهوه
كلام قهاوى
هات يواد شيشه
ولا واحد شاى
وامسح ياد بالخيشه
اسم اللى ماهوش
جاى
وجاااى من دى دا حوسه
حتة جلاشه وبسبوسه
تغير طعم مراره وطفى قلبى
شراره
والجو مليان بغباره
دخانه دى ولا غمام
ولا يوم كنت فى مظاهره
ولا مشيت يوم قدام
ولا عملت خدى مداسى
ولا سلطه بقيت خدام
طول عمرى عايشها اونطه
ساعه فى قبلى ويامه
فى طنطا
من قبلى لبحرى قايسها بقدمى
ونسيت العد فى السنطا
ايام رجلين مكدوده
اخرتها تاكلها الدوده
ملفوفه بكتان مشدوده
وناس كتير مسنوده
فكرها تملى تعيش
امسك ياشويش
قلاضيش
محابيس خراطيش
رغيف ولقمة عيش
ومافيش
فى الجيب ولا قرشين
صاغ وكان صاغ
وبعده جاويش
وكنا ياشويش عايشين
ومر جانا سنين
تتكلم قلمين ويسبوا
ابوك
وعلى بره وبحر ويرموك
ويومين غربه ومر
تدوق حلوك صر
صبر سنين وانيين
وشوق وسبت جنيين
لقيتهم وكبار حلوين
اتارى الغربه فى دارى
وقلت اتلم واتدارى
اتارى ياشويش
مبقاش تانى اعيش
جحا المصرى المصرى على القهوه 29-12-2012
ليست هناك تعليقات:
إرسال تعليق