.jpg)
شقيان صاحى من بدرى تعبان
شوف قرفان ساكنه عفريت
وراكبه الجان
وشديد وعنيد وبدراعه ميت ايد
فرحان وسعيد
ان سدت ريقه بلعة ميه
ولا حتة لحمه يوم عيد
مجاديل مجاديل يبنى ميت دار
وجدار وراها جدار اسرارو ستار
يشرب عرق المر كيعان
تراب ارض سمار لمعان ومعان
حروف مكتوبه بكفوف صور اشجار
اطيار شمس ونهار وانهار
وسطور والطور وجبل اتهد
وبحر اتشق وملوك وراها ملوك
وميت مملوك وعمار
وخراب ودمار وكتير
وخفير وعربجى ووزير
وسلطان وامير
بيبص بعين ونعسان
يا ولداااااااااااااااااه غلبان
وفقير وركوبته حمير
فاس ومداس وبقر وجاموس
وضله توته وحدوته وناى ونبوت
وساقيه بتنعى الموت وانين
وحنيين وجنيين فى بطن الموت
وغريق وفريق يشد فريق
وشلة حراميه ومساريق
طقاطيق وغنا وزعيق
وطبل وزمر ورقص وخمر
ومساحيق ووشوش وقلوب
سود وزرق ولطم وتحانيق
وياولداااااااااااااااااااه غلبان
من ضحته سنه بيبان
له الف بيان وببان وترابيس
ومترايس وحرس وصوان
ويمينى وشمالى وراسمالى
ولبرالى واخوان وتلف وسلف
وديون ورهون وكراسى
ولا خط بكراسى مكتوب
محسوب عمرى خطى
ما يكون معيوب وعمر
كفنى ماله جيوب
اموت ياولدااااااااااااااااااااااه
غلبااااااااااااااااااااااااااااااااااااان
ليست هناك تعليقات:
إرسال تعليق