مش لونى
لا انا انهار زرقه بعيونى
ولا دموع من الفرقه جابونى
ولا بانيين السواقى يعزونى
ولا لحن ناى باقى يداوونى
ولا ضله بالفوته توب ويكسونى
ولا مية القله ولا شجرة التوته
ولا فتفوته تفوتونى
لونى يا زمن منقوش
تراب توب مفروش
معجون بالعرق والدم
وشيلة الضنا والهم
سنيين عمرى معدوده
وميت عافيه مهدوده
وفرد وضم
الالم والفرحه مكتوبه
اغنى موالى بالتوبه
واقول حرمت من دى النوبه
وناى الصحبه والخلان
عذاب يتلم
انا الصبر والصبار
عندى للكرم ميت دار
بعبد ربى الجبار
بعد ضحكتى اقول يا ستار
اداوى السم
تسترنى الارض والطينه
ولقمتى قمح وعجينه
هاجر وفاطمه وامينه
وانا الخال والعم
وانا المصرى
ليست هناك تعليقات:
إرسال تعليق