دوا للمجروحين
انت مين وكنت فين
كنت تايه فى السنين
بتاكل لقمتك من الموت والانين
عارف معنى عرق الجبين
امتى لملمت جراح
وعرفت قيمة اللى راح
ومدنه تقول حى على الفلاح
وابن تاه وغرقان سداح
وارض جواها سموم
وزرع ما يكفى هموم
ودين يذل حتى الجسد يروم
يرم
وجاى تقول انا ال ال
قل صوتك يعل
صوره معموله بغل
جى تكمل فينا ذل
تعرف ايه ع المجروحين
تعرف شقايا والانين
تجيب لى دوايا منين
وحتى انت مين
جى فى عنيك الصعايب
وانت فى تجارتك كنت خايب
كنت سبوبه لسبايب
مليت الارض بلاوى ومصايب
..............انا الدهر كلته بالسنان
وعملت لزمنى هيلمان
وعمر ابنى ما كان جبان
وعرق جبينى ورد الجنان
...........زهرتى من الارض بصه
شوكها فى الحلق للعدو غصه
وعيدان قمحى مرصوصه رصه
ولابسه تاجى والصولجان
..........انا يا تايه فى بحورك
ومليان شدقك من غرورك
باعت لى حدايتك وصقورك
كتير سبقوك من زمان...
..........قولى للى بيبص بصه
فاكرنى تعبانه وفى قلبى غصه
من ولادى الشقيانين
ولا من تعبهم مجروحين
ولا تفكر انهم متبعترين ؟؟؟؟؟
ليست هناك تعليقات:
إرسال تعليق