ان كان رب البيت بالدف ضارب فشيمة اهل البيت الرقص

اولى الامر من حكامنا ذوات المملكه والسلطنه والاماره والرؤساء والزعماء 

الافاضل والاماجد وذوى التاريخ المعطر بعطر الجنيه والدرهم والدينار والريال والدولار 

سؤال اطرحه عسى ان اجد الاجابه 

قال الله 

قل اللهم مالك الملك تؤتى الملك من تشاء وتنزع الملك ممن تشاء 

اتنتظرون ان تنزع منكم 

والنزع سلب بقوه

فهل انتم كارهى انفسكم 

ام ان شعوبكم قد كرهتكم

ام نسيتم الله فانساكم انفسكم

الا وستسئلون يوم المشهد العظيم 

منكم من يقتل شعبه 

ومنكم من ياكل كل ما حرم الله 

ومنكم غافل 

ومنكم من احب صولجانه 

ومنكم من والى اعداء الله

ليظل حاكما 

ومنكم كثير ظن انه ملك ونسى من ملكه 

وضاع العدل 

وحاسبتم الضعيف وتركتم القوى

الا يدل كل هذا الى الهلكه الاتيه

فقد هلك من كان قبلكم 

كان ان سرق الشريف تركوه

وان سرق الضعيف اقاموا عليه ا لحد

الا وانى قد بلغت اللهم فاشهد 

الا وانى قد بلغت اللهم فاشهد

زمن السكوت

جحا المصرى المصرى

جحا المصرى المصرى
زمن السكوت
زمن السكوت زمن الالم
الكل مخلوق من تراب مش من عدم
يكتم ساعات الاهات وحتى صوت الانين بدم
والصبر طال على كل جبار ونار واجساد رمم
العقل حار مابين جدار الذل ورفرفة علم
يفيد ايه العلم
ان كان سواده ليل بياض بلون الغيم وحمار بلون الدم
انا محتاج علم يحوى قلبى اللى اتظلم
وصوره شهيد
وخال وعم
لونه لون النهار وصوته اعلى من الجدار
وعدل قايم على اللى جار
ويرجع حق اللى اتظلم
فى سكوتى موتى
وطول ما بنسج حروفى
قلبى ما يدارى خوفى
فى زمن السكوت

المفيد فى الوضع العربى الفريد جزء 2

ان من بعض الاحداث حقائق معلومه وحقائق غائبه

انهار الدم الليبى الذى ملىء نهر قذاف الجثث العظيم

 وفى عموم الهروب الكبير فى تونس الخضراء

والخلع بقوة الشعب والتنحى فى مصر المحروسه

والدماء التى تجرى انهارا فى سوريا الحبيبه

والموت جوعا تنهش اجسادهم جوارح الطير فى الصومال

والتقسيم المتعمد والمحسوب فى جنوب السودان

وظهور التفرقه والمذاهب الاسلاميه متضاده

وفى ضياع الموارد المتاحه فى بنوك الصهيونيه

وفى الانحلال الخلقى المتعمد من الاعلام

كل ذاك معلوم ومتاح وعلى الملاء

اما الحقائق الغائبه

ففى ادراك احداث التاريخ وجملة من معطيات

وبعيدا كل البعد عن اعين وقلوب وعقول كثير

من حكام ورؤساء وملوك وزعماء وامراء

وساسه يلهون بكرسى السياسه

وعقول تمنهج ويملى لهم

شياطينهم من الانس

ان هذا كله شىء عظيم

برهان الامر كله اوله واخره حديث رسول الله صلى الله عليه وسلم

هلك من كان قبلكم

كان ان سرق الشريف تركوه وان سرق الضعيف اقاموا عليه الحد

هذا ما اراه واضحا كوضوح الشمس  فى كبد السماء فى يوم صيف قائظ

فاقيموا عدل الله على كل ظالم ولا تاخذكم بهم رحمة ولا شفقه

واعلموا ان من ساعد ظالما على ظلمه حشر معه فى جهنم

الدوله المصريه بين ماض وحاضر ومستقبل

الدوله المصريه بين امس مضى وحاضر نحياة وغد نرجوا فيه

جحا المصرى انسان يعيش ككل اهل مصر على تلك الارض

التى كرمت برسل الله وانبياءه

ابراهيم وموسى ويوسف وعيسى وامه مريم

هى مصر التى كان فيها الخير للبشر منذ الازل

هى مصر التى سئل اليهود ربهم ان ياكلوا مما تنبت الارض

فقال لهم اهبطوا مصرا فان لكم فيها ما سئلتم وضربت    عليهم الذله

الله يعلم ان مصرا ارض ذات خير

واناس ذوا جهد وفيها مطلب الحياة والبقاء هذه مصر الامس

ومصر الان تتلوى من جور سلطان كنا نظنه منا

مازال رغم غيبته قصرا الا ان زبانيته احياء

يتلاعبون

كان باحسادهم سم زعاف

حيات وثعابين

حال لا يرتضيه اهل مصر لبلادهم واناس منا ذاقوا هوان الظلم

وسقوهم الموت بجفان سليمان امدا

وعدل بين نطام حيا وترعع فيه اخذ ما يستحق واعطاه لمن لا يستحق

بات واصبح عدل هرم شاخ ولا يقوى على محاربة الباطل

اما غد فاراه قريبا ان حييت

عدل هو الاساس الذى تبنى وترتفع عليه الامم

ومن غير عدل فلا بناء ولا دوله ولا حق

فاقيموا دولة على اساس العدل

نحيا ونرتفع

فيامن تظنون اننا ازحنا باطل ورحل

فباق ازنابه بين طى يمشى بوجل

فما انتم عنهم غافلون ولا هو بباطله رحل

اقيموا العدل حقا شاهدا 

ولا تفرقوا بين من اتى ومن رحل

فبغير عدل بات الظلم ينبت عوده

ويثمر اقوى مما رحل

للامانه

وجع

من Nour Jed‏ في 10 أغسطس، 2011‏، الساعة 02:00 مساءً‏‏

القدس تنتحب والشام بالدم ارضها مضرجة

والاسد كما الضباع تنقض على خيرة من رجال هم العرب

اني ارى الحكام صقورا وكواسر 

يا زمن العار ارحل ودعنا فاننا متنا قهرا من عار حكام العرب

يا قدس هذي دمشق تصرخ بعدك 

يا زمن العهر اين صلاح واين معتصم

يا قدس يا زهرة المدن سواد ليلك وسواد ليل صنععاء واليمن

يا تونس الخضراء مصر بك شبيهة

شعب بحجم الدنيا ثورته تغتصب 

الي بسيف من غمده اخرج فقطع راس الغاصب حلال وليس يحرم

نهبنا دهرا فالمال من السبائك يصنع

ونزيد فقرا وجهلا وفكرا مغيب

نقيم الحد على قاتنلنا ولن نظلم

ونفط عرب تحت اقدام الغواني يسكب 

وبه عقد للاميرا ت والجواري نشتري

سواد نفطنا وليل ملوكنا

مع ان ليالي الشرق بها تسطع الانجم

متى دوت في سماءنا ثورة 

نعود لفنون الواد خوفا من ثورة انوثتها تتمرد

وتقول دمعة ثكلى اني ههنا وتدمع عين ام شهيد تتالم

تزغرد ام الشهيد متى انسكب دم يطهر ارضا من الدنس

وتلبس سواد الحزن متى رحل ابنها غدرا وما تحرر وطن

ارى السماء بغيمة ملبدة فقد ينزل غيثا يطهر ارض العرب من الدنس

وارى ربيعا جنائن ورد يصنعفي افق دنيانا

متى كنا خير من اخرج للناس وعيا من البشر

الخير كل الخير في عزتنا 

ولن يعيد كرامتنا والعزة الا سورة الغضب

يا قدس مهلا قد يطول ليلك ومهلا دمشق فليلك اطول 

اذا بقينا على حالنا ولم نتغير

وجع قصيده منقوله

القدس تنتحب والشام بالدم ارضها مضرجة
والاسد كما الضباع تنقض على خيرة من رجال هم العرب
اني ارى الحكام صقورا وكواسر
يا زمن العار ارحل ودعنا فاننا متنا قهرا من عار حكام العرب
يا قدس هذي دمشق تصرخ بعدك
يا زمن العهر اين صلاح واين معتصم
يا قدس يا زهرة المدن سواد ليلك وسواد ليل صنععاء واليمن
يا تونس الخضراء مصر بك شبيهة
شعب بحجم الدنيا ثورته تغتصب
الي بسيف من غمده اخرج فقطع راس الغاصب حلال وليس يحرم
نهبنا دهرا فالمال من السبائك يصنع
ونزيد فقرا وجهلا وفكرا مغيب
نقيم الحد على قاتنلنا ولن نظلم
ونفط عرب تحت اقدام الغواني يسكب
وبه عقد للاميرا ت والجواري نشتري
سواد نفطنا وليل ملوكنا
مع ان ليالي الشرق بها تسطع الانجم
متى دوت في سماءنا ثورة
نعود لفنون الواد خوفا من ثورة انوثتها تتمرد
وتقول دمعة ثكلى اني ههنا وتدمع عين ام شهيد تتالم
تزغرد ام الشهيد متى انسكب دم يطهر ارضا من الدنس
وتلبس سواد الحزن متى رحل ابنها غدرا وما تحرر وطن
ارى السماء بغيمة ملبدة فقد ينزل غيثا يطهر ارض العرب من الدنس
وارى ربيعا جنائن ورد يصنعفي افق دنيانا
متى كنا خير من اخرج للناس وعيا من البشر
الخير كل الخير في عزتنا
ولن يعيد كرامتنا والعزة الا سورة الغضب
يا قدس مهلا قد يطول ليلك ومهلا دمشق فليلك اطول
اذا بقينا على حالنا ولم نتغير

ذكرى حرب اكتوبر

من كام سنه 

تتعد فى عمر الزمن 

حيه بتعمل 

جلجله

على ارض سباع الفلا

حيه مرقطه ومنقطه

من كل حنس ملقطه

مالها حبيب

ولا رجل بتعمل دبيب

سكنت فى ارض السباع

وساعة صيام

وفى عز النهار

وسباع على الارض تفور

وكنا يومها فى الصدور

زى جمال صبور

والدنيا نور

وعدنا ناس فى قبور

لازم لترجع ارضها

تتباها تانى بعرضها

ساعة صيام

وشدينا عزم البندقه

وكنا صيام

كسباع الفلا

قطعنا ديل الحيه 

حتى قالت جاى ياهووووووو

زحنا من الصدور 

كل حمل كان صبور

وتنينا يومها البغدده

بجنه طول الدنيا 

وعرضها

ساعة صيام

وجى تمسك ياهمام

رجعت تانى للحيه ديل

وفاكر نفسك

اصيل

لا والف لا

كاتم نفس

بصبر طال 

ليوم الرحيل

ورحلت تانى ماسوف عليك

ماسوف على زمن المر

سقيتنا حنضل وذل

والوقت خايف من المهانه 

كنت يومها معانا 

لا مش معانا ساعات 

الصيام

عايز اموت من غير انين من سكات

عايز اموت من سكات
من غيرانين
من غير اهات
محتاج اموت من غير ذنوب او سيئات
ولا دمعه من اخ او ام او الولاد ولا البنات
محتاج لكل الدعوات
محتاج للزمن اللى باقى
محتاج السجود فى كل وقت باقى
محتاج افرح كل ابن
ببنت تستره ليوم الممات
يارب خبى لى اللى باقى
وابعد عنى الاهات وحقق لى الامنيات
مش خايف من الضر اللى مس
ولا خايف من كل انس
خايف يارب منك يوم التلاقى
من يوم الحساب
وتسئلنى معرفش الجواب
وتشهد ايدى بفصل الخطاب
وبياض شعرى ان مسه الخضاب
بتدارى وجه البشر بلون الهباب
انت عارف يارب ان عبدك ضعيف
وانك انت اللطيف
وقلبى مربوط على الدين الحنيف
لكنى يارب خايف من غضبك عليه
وانت القوى والقادر عليه
ارحمه بعطفك وفضلك عليه
وحق الحبيب النبى ترضى عليه
وتكون يارب راضى عليه
وتكون يارب راضى عليه

قلب مات

قلب حى من كتر الالم من كتر الاهات

من كتر اللى شاله فى سنين الكتم

وفى سنين زنزانات

قلب حى بيمد الساعات 

يطول ليل ويجيب النهار فى ساعات

قلب ابيض لون ضى العيون لون دمع الاهات

قلب شايل كتير زى قلب الامهات

قلب وطن فى جوف رجال 

وبطون الامهات 

قلب حى من سنين مليان امل 

مليان انين

وقلب مات من كتر السكون ومن كتر السكات

جحا له وش واحد

الهم فين جه منين 

جى يحبى على الايدين

ولا راكب وجى جرى

الهم انك تعيش فى طى

تدارى روحك وانت جى

وانت حى عايز تعيش

البس وشوش 

بحتر قروش 

واملىء كروش

واكوى والبس

والقرش فى جيبك ماتلاقيش

عايزنى بالوشوش 

عمرى راح 

والقلب مشقق جراح

وكف مشقق عرق

بس عايش ورايق

بوش واحد 

لاتدارى عيبى

والقرش فى جيبى

وبسمع انين 

وليا عنين 

تبكى دمعتين

خوفى من الهى

ووشى اسمر 

سماره من شمس وطين

الى صديق سئلنى عن وجهى الثانى

حمار الفيلسوف وحمار جحا

اجتمعا حمارا الفيلسوف وجحا فى يوم
قال حمار الفيلسوف ما لابن ادم لا يرضى
قال حمار جحا وان ملئته بالتراب طماع
كيف وان مات طمع فى رحمة ربه
ارى انك لم تفهم المقصد ان ابن ادم جلب على نفسه
البلاء من اول ولدى ادم وشر البلاء عدم الرضا
قال حمار الفيلسوف هناك من رضى وعاش بكفاف
وحلال ومات راضيا
فرد حمار جحا الا يطمع ايضا فى جنة ربه وحور عين مقصورات
وانهار من خمر لذة للشاربين وانهار من عسل مصفى
ايضا طماع الم اقل لك ان ابن ادم
لايفارقه الطمع وان ملئت عينه بالتراب
فلنسئلن جحا والفيلسوف فى امر طمع ابن ادم
ايا جحا الا تطمع فى ما ليس لك
فنظر جحا للحمارين وقال اتحب ان تاكل البرسيم ام الفول
فرد الحمار ابقى لك الفول واكل البرسيم
فقال جحا طمعت فى الاخضر وتركت اليابس
فقهقه الفيلسوف وقال كل يطمع فى ما يحب

رصاصات قاتله

يكفيكوا شر البهدله

انت يا وله

شيلنى من الارض شيل

تعبت من كتر البهدله

وكلام ثقيل 

ورجعنا م الاوله

والاوله اه 

من ندم على ال عداله

عداله متربيه فى حضن اللى راح

وناس بتكويها الجراح

واللى راح راح

دم يملى كفوف وناس بدق الدفوف

وناس مركونه رفوف

مش عداله اللى راح

والتانيه اهين

عماله فيكم كوهين

شق الجته حتتين

وكل حته بدراع 

مش دراعي

حتتين يا بلد حتتين

طيب القلب فين

وجوز العنين 

موجوعين

من نار الفراق

ولا نار اللى راق

لما قسمكم حتتين

والتالته جى

ماسك فى ايدى ضى

ومعايا كل الحى 

وكل اللى صحى جى

معايا محمد وعيسى

يلموا الجسد تانى

ويوصلوا حبل الود من تانى

ويرجعوا العين تشوف تانى

ويحطوا فى القلب دمى انى

دا  اوانى

ولا ارجع للبهدله تانى

مصر

حمار فيلسوف

االنظر فى افعال البشر

سرنا نطرق باقدامنا الارض سعيا لارزاقنا وقد حملته ما اريد من صنوف ما ازرع ساعيا لسوق يباع فيه ما احمله على حمارى وانتم كما تعلمون حمارا 

لغته ثقيلة الفهم فهو حمار 

استوقفا رجل سائلا بكم تبيع قلت بعشر قال بثمانى فسقت حمارى فهرول الرجل 

ليلحق بى بتسع قلت بعشر وسقت حمارى ودخلنا السوق فالتف حولى بعض من الناس بكم تبيع فاذ بالحمار يقضم ساقى فنظرت اليه فقال لى اسكت 

قلت اشتروا فبدئوا بعشر الى سبعة عشر وهنا وجدت الحمل سقط على الارض 

فقد اسقطه الحمار ولست ادرى لما اسقطه فاخذه من اشترى وقبضت الثمن فرحا

وفى نفسى شىء من طمع 

ولما خرجنا من السوق وقد ركبته فوقف غير بعيد وسئلنى

 ما لنفس بنى ادم لا ترضى 

وشوش

نفس الوشوش

من غير حيا ما يستحوش

على كل لون وشوش

زرقا بلون سنين العمر اللى فات 

سودا بلون عملهم حى ما مات

حتى من الكلب ما تعلموا منه الوفاء

يا ولاد السنين المره اوعوا فى كل مره

احفظوا درس فات

لا تغيروا صفحات

مدوا سواعد عفيه

هاتوا من الشمس ضى النهار

غصب عن ظلم السنين

واهات الانين

وسجانين

وزنزنات

اه ياولاد عمر المر 

اشرب عسل مسكر

من ايديكم 

من جوه قلوبكم 

من ضى عينيكم 

اه من عفيتى راحت

بس اوصيكم 

على السمرا وسمرها ضى

على مصركم 

على قبر الجدود 

على عمر السنين

على ولادكم الجايين

على كل الطيبين

بكره غصب عنهم جى

ابيض بلون الضى

رغم كل الوشوش

اللى ما يستحوش

انا بشر

اتخلقت من تراب  

مش من حجر 

مخلوق بقلب

وعقل تاه

من افعال البشر

مش حجر اصم

ولا صنم

ليا قلب يسع كل البشر

معجون مشاعر

شوية حب على شويه الم

مخلوطين بالصبر 

وبسمة شفاه

وعيون تشوف

فى ضى النجوم 

حتى فى الغيوم

كل خير 

وكل شر

واتعجب من افعال البشر

فيه قلوب مليانه خير 

وقلوب مليانه شر

وعيون تضحك تلاقى

وعيون عميانه شر

واتعجب من افعال الشر 

عودة جحا

الاصدقاء الاعزاء اعتذر للغيبه عن مدونتى الفتره الماضيه واشكر لكم جميعا متابعتكم للمدونه اثناء الغيبه
ولقد مررت بايام احاول ان ادرك ما بعد عصر الفساد وحتى ارى نورا نهتدى به او طريق محدد الخطوات
اة سبيلا نمر عليه لنصل الى نقطة انطلاق جديده فى حياتنا كشعب ذاق الفساد على سنوات مرارتها تفوق مرارة الصبر
على ايام مرت بانتظار ضوء من عدل فى صرح تهدم كله حتى اساساته تحللت فلم يقدر ان يمر به زمن جديد فسقط
كاشفا كل غطاء عن حقائق مرة مرارتها اشد من مرارة صبرنا على فساد اذ وجدنا انفسنا ندور فى فلكهم نعمل ونكد
وهم يمتصوا من عروقنا الدماء ليلهون بها ويرفلون فى ملذاتهم غير ابهين بما يسقط منا فى قبور الموت كمدا بحزن او
مرض عضال او فقر فى جسد فصرنا نصنع بحياتنا لهم بهاءا ومفاخر افقنا على باطل اشد قسوة من ظلم
فلم اتمالك ان اصيغ ما ارى فى كلمات فاثرت الصمت وجاهدت ان ادرك بذاك العقل الموهوب نعمته من الله للبشر
فبات عقلى بسبات كانه الموت من شدة ما ارى ويتكشف عفاك الله يامصر مما انت فيه 

انتى فين ياسمره

يام الطيبين والناس الغلابه الشقيانين
قلب مليان الم مليان حنين انت فين
انت فين والصبر راح وعاودتنى الجراح
والدنيا بتضيق مش براح وراح منها اللى راح
انت فين يام السمار والضى
...انت فين ياام الشباب الحى
انت فين والهمه لمى عليكى الامه
ان كان كلامى مالوش لزمه
قطعى لسان الحروف وجريه
وارميه وفى قبر وادفنيه
بس يا سمره انت فين
وناس ضله
 عيون الشر طله
لازم من قطعها والله
مدى ياعافيه فى الجسد تانى
اقفل ببان الشر من تانى
واعيش الباقى فى عز وتى
تانى مدى

حررررررررررررررررررررررام عليكم

صور الحائط

حياة صاحب الجلالة «مبارك الأول»
- 36 بدلة كل 6 أسابيع يصممها بريوني خصيصا له ثمنالواحدة 25 ألف يورو وثمن الكرافتة 1500 يورو والقميص الذي يخلعه لا يرتديه مرة أخري
- في فترة النقاهة كانت "السيدة الأولي" تنفق مليون دولار في اليوم علي المشتروات بمساعدة زوجة السفير أحمد ماهر
مبارك يشتري الخبز واللبن والمياه المعدنية من باريس.. وطائرات هركليز سي 130 تنقله إلي مطابخه مرتين في الأسبوع.. وطعام مآدب زوجته يأتي ساخنا من مكسيم
بدأت بموديلات من إسكادا ووروكو باروكو.. واستقرت عند شانيل بموديلات خارج الكاتالوج علي طريقة هوت كوتور
في المؤتمر قبل الأخير للحزب الوطني عرض فيلم تسجيلي عن معاناة مبارك وهو صبي في قرية كفر المصيلحة.. يمشي من بيته إلي المدرسة.. تحت المطر.. وكيف كان يشتري وهو طيار في قاعدة بلبيس اللحم والخضار من السوق القريبة كي يوفر قروشا قليلة.. وعندما اشتري سيارة صغيرة اضطر علاء وجمال أن يركبا في شنطتها من شدة ضيقها. وكنا نتصور أن رئيساً جرب الفقر والحاجة لابد أن يكون أفضل من ابنه.. الوريث الذي يسعي إلي السلطة دون أن يشعر بالمعاناة نفسها. لكن.. مصادر قريبة منه كشفت عن حالة الترف المفرطة التي كان يعيش فيها مبارك هو وزوجته سوزان ثابت.. بما لا يمكن تصوره أو حتي تخيله. لقد كانت هناك طائرتان نقل عسكرية من طراز هيركليز (سي 130) مهمتهما حمل كل طعامه وشرابه من فرنسا.. الزيت واللبن والخبز والمياه المعدنية ليضمن خلوها من المواد المسرطنة في الوقت الذي كان الشعب فيه يأكل الخضراوات المروية بمياه الصرف الصحي والمرشوشة بمبيدات مسببة للسرطان والفشل الكلوي. كان مسئولاً عن هذه المهمة لمدة ست سنوات محسن صوفي الذي نقل فيما بعد إلي مكتب مشتريات باريس ليعود في النهاية إلي السكرتارية.. ثم أشرف علي هذه المهمة حسن راشد سكرتيره العسكري الذي يتولي الآن شركة مطار القاهرة.. وهما من الضباط السابقين للقوات الجوية. وكان طعام المآدب التي كانت تقيمها سوزان مبارك يأتي ساخنا من مطعم مكسيم الشهير في باريس، الذي يملكه بيت الأزياء المعروف بيير كاردان.. كانت تطلب قائمة الطعام.. وفور الاختيار كانت الطائرات تحمل الأطباق والأصناف ومعه الطهاة المناسبين. ومحسن صوفي عمل من قبل مع سوزان مبارك في السنوات التي قضتها للعلاج في الولايات المتحدة.. وفي فترة النقاهة كانت تنفق ببذخ غير مفهوم إلي حد أن أطلق عليها " مدام مليون دولار في اليوم ".. وكانت ترافقها في جولات التسوق خاصة في مركز تجاري تايسون الأكبر في العالم ــ زوجة السفير المصري في واشنطن وقتها أحمد ماهر، الذي أصبح فيما بعد وزيرا للخارجية. وحسب شهود عيان.. لم تكن سوزان مبارك تقف لتتأمل م تشتري.. كانت تكتفي فقط بالإشارة إلي ما تريد حتي تجده بين يديها.. وفي الوقت نفسه لم تكن تستخدم البطاقات الائتمانية حتي لا يرصد أحد حساباتها أو مدفوعاتها. وفي سنواتها الأولي كانت تفضل ماركات متوسطة مثل اسكادا وروكو باركو.. ثم أدمنت ماركة شانيل الفرنسية الشهيرة.. وحرصت علي أن تكون الموديلات التي تختاره بعيدة عن الكاتالوجات المتداولة.. فيما يعرف بالهوت كوتور.. اي التفصيل حسب مزاج الزبون بقطع لا تباع لغيره.. وبجانب الثياب كان اختيار الأحذية وحقائب اليد بنفس الأسلوب. مبارك نفسه في السنوات الأخيرة لجأ إلي نفس الأسلوب في اختيار البدل.. فكان يفصل 36 بدلة كل 6 أسابيع عند بيت الأزياء الرجالي الإيطالي المعروف بريوني.. وكان يدفع في الواحدة نحو 25 الف يورو.. ويختارها من صوف يعرف بصوف سوبر 280.. وهو أغلي أنواع الصوف.. حيث يؤخد من الجزء العلوي من بطن الحمل الصغير الذي لا يزيد عمره علي 45 يوما. كان اول من وصل إلي هذا المستوي في الترف الملك المغربي الراحل محمد الخامس،لكنه كان يفضل التعامل مع بيت أزياء إيطالي آخر هو فرانشيسكو سمالتو ووصل إعجابه به إلي حد أنه اشتري نصف أسهم شركته.. وقد جاء به إلي الرباط ليفصل بدلة معروفة لضيفه عبد الحليم حافظ عبارة عن دوائر محفورة في القماش غني بها في حفل من حفلات شم النسيم. مبارك أيضا كان يلجأ إلي أسلوب هوت كوتور.. التفصيل الخاص.. علي أن يكون لكل بدلة رابطتات للعنق.. تفصيل أيضا.. ثمن الواحدة منهما يتراوح ما بين 1000 و1500 يورو. ولم يكن مبارك يرتدي قميص البدلة مرتين.. كل قميص كان يرتديه مرة واحدة ثم يرميه. وكانت الطائرات الرئاسية تحمل المصمم والمقصدار والترزي إلي القاهرة كي يحيكوا كل شيء علي مقاس الرئيس. ولو كانت السيارات الرسمية التي يستخدمها مبارك من نوع المرسيدس المصفحة، فإنه كان يهوي شخصيا السيارات الأمريكية.. خاصة كاديلاك.. وفي آخر سبع سنوات كان يقودها بنفسه في الصيف متنقلا من برج العرب إلي رأس الحكمة. لقد كان يحكمنا إمبراطور شاهنشاهي يعيش في ترف لم يعرفه ملوك وشيوخ النفط وأثري أثرياء العالم.

زمان كانت لا محبوسه

زمان كانت لا محبوسه مابين الرز والكوسه
حمرا فى قفص قوطه مفرومه ومحطوطه
تقول اللا تندق كفته فى هون ومدق
عمرك سمعت اللاء تتلالاء
وعجبى على يوم لا متهانه وبهتانه  وندمانه
لا تجيب حق تعبانه وشقيانه
وجه يوم تتبغدد وتتمختر وتتشمر
وبياض على احمر متزانه
ورويانه وشبعانه من الاه
قولها لكل اكلين الحق
واوعى تروح تانى
وتقولوا ياريت ترجعى من تانى
يا لاء

يا سمرا وسمارك ضى الجزء الثانى

ايا سمرا انا خيال 

بحب المهره ولاده

مداده لميت جد وزياده

وهلال على الجبين مايل

تتعايق وتتميل 

ووقت الجد حماله

سمارها من سمار لونك

لا من شمس ولا ضل

كريمة الاصل كالخل

كالخال ياسمرا

يا سمرا وسمارك مى

تسقى وتروى المى

كاتم من زمان المى

ويكتب الحروف قلمى

ودمعى يطفى نار المى

طال الليل بلا ضى

وجى بعد شيب جى

ماعرف لى كام يوم جى

اعيش نهارك يا سمرا

وامد انهارك على ارضى

وابنى من تانى فى ارضى

مداين نور واعلى

واصلى على ترابك كام فرض

العمر الطويل ليكى

يا سمرا وسمارك ضى

انا رايح وابنى جى

يا سمرا وسمارك ضى الجزء الاول

يا سمرا وسمارك ضى

انا رايح وابنى جى

وفى ترابك لحم الحى

وعشقت التوته والضله

وميه نيلك من القله

ورغيف مخبوز من الغله

وكف مشقق من الفاسى

ارضك على عدوك قاسى

وصخرك فى ايدى كالحنه

يا سمرا وسمارك سما

ووصفك نازل من سابع  سما

اهل الرحم والذمه

وجند الحق والهمه

على العهد باقيين لك

وساعة الجد فدا لك

ويوم الوعد شاقين لك

جبال الصخر هدين لك

جاهزين للعدا لك

يا سمرا وسمارك ضى

عشقت ترابك البنى

وطول عمرى وانا وابنى

بنبنى كل يوم فيكى

ماكفى م الشقا شقق 

وكام شق فى كفى يكفيكى

ما يكفى محبتى ليكى

وعشق الورد والريحان

وعشق البنت والصبيان

وعشق الغربه للعوده

ياسمر بتوب ملفوف

ابيض بلون الضى

اكمل وصفك من تانى

كل يوم ابنى بيت تانى

كلمه وجمع حروف

فيكى يامصر حاجه محيرانى

فى عز عضبك تجلجل ضحكتك
تلم البعيد
وبسمة الوش الحنين الاسمر
بلون تراب الارض
المزين بكل الورد
ولامم كل الود
فى مدت ايد
وغريبك يامصر
قريب صاحب
اهل وعشرة عمر
فرقونا واتلملم توبك
من تانى وضحتك سمعها
القاصى والدانى
ياما مرت على ارضك
ناس
تنداس ما تنباس
ولا تساوى فى سوق
الرجال مداس
سمعينا الفرحه من تانى
وافردى توبك الاخضر
زرع حبيته مليانه
لبطون خاليه وجعانه
ورشى وردك والزهره
يازهره على العدا دوم
انا اليوم سمعت ضحكتك تانى

كنت ناوى على الجنان

احط راسى جوه نار
واخليها تطقطق فشار
واقوم انهق زى الحمار
وكام واحده سمار
لابسه كاب وبردعه
واقول واهاتى
انا ملك ليوم مماتى
دا شعب مش  خفيف
عايزه من الجنس اللطيف
ناويت خلاص على الجنان
واطرطش الدم على الحيطان
واملى الشوارع كمان
واعمل النهر العظيم
دم جارى دم سخن
مش دماغى جوه فرن
وعمال يطقطق فشار
افكار زعيم
عايزنى اتنحى بسلامتى
ولا اركب طياره واهج
مش بحج
قاعد فى خيمة جنانى
ولابس هدوم منسوجه لى
وعندى تكتك كمان
ونظاره شمس ريبان
وشعرى منكوش كمان
وان كنت ناوى على الجنان
دا انا جارك من زماااااااااااااااااااااان

اسم الشهيد

معاك قلم
على بياض العلم
تكتب اسم الشهيد
معاك كام من الحروف
تعالى شوف
كام من الكفوف
تقدر تلم الصفوف
ولا تنادى باى صوت
الا دم الشهيد
يقدر يجمع السواعد
والكفوف صفوف
دم طاهر بالبراءه
من قلب مليان جراءه
دم طهر التراب
حى موجود
مش سراب
والجبان جبان
هربان تداريه
الببان والحيطان
تقدر تنام
تقدر ترجع اللى مات
انت بشر مش اله
كرباج السلطان كان فى ايدك
لكن عمره ماكان يفيدك
اكتب على بياض العلم
اسم الشهيد
بدم الشهيد
مصرى ابن مصرى
والام مصر

دولة الفساد لم تسقط بعد ….هااااااااااام جدا

دولة الفساد لم تسقط بعد ….هااااااااااام جدا

شجرة الحريه

ان شجرة الحريه والحقوق اوراقها مكتوب عليها اسماء الشهداء
ان استرداد الحريه فى الحياة للشعوب واسترداد الكرامه والارض
والعرض والحق له ثمن
والثمن هو ان تدفع الدماء لتروى تلك الشجره
والشهداء فى التاريخ المصرى مكتوب اسماءهم على اوراق تلك
الشجره وتظل خضراء يانعة ترى الشمس بضياءها مرفوعة للسماء
لا يدانيها الا من روت جذورها من دمه
ولقد رايت كيف تروى تلك الشجره فى عمرى مرات عده
اهمها شهداء اكتوبر الذين روت دمائهم الارض المصريه
لتطهرها من دنس اليهود 
ثانيا شهداء 25 يناير وهم ابناء واحفاد شهداء اكتوبر هم هم
نفس الرجال هم هم لا فرق بين هؤلاء واولئك 
جميعا ابناء نفس الام رضعوا من نفس الثدى تربوا على
ان كرامتهم وعزة انغسهم وحريتهم اغلى من دمائهم
ودماءهم روت شجرة الحريه وكتب اسماء شهدائهم
على اوراقها لتشهد لهم يوم انهم ابناء تلك الارض
والام   

يامصر

لا اقدر اكتب من الفرحه والدموع
ولا اقدر ان  اجمع كلمتان معا
ولا اقدر ان اشمت فقد حذرت
ولا اقدر ان الملم كلماتى
فقد بعثرتها بين الاحبه
والان وقد جمعت مشاعرى
بين الفرح
ومقلتى عينى ملىء بالدموع
لا اقدر الا عن شىء واحد الا انسى
الشهداء من ابناء مصر الغاليه
واحذر من اجل مصر الا يهرب
اذناب الظالمين باموال مصر
المنهوبه
افيقوا واحموا البلاد من ان يهربوا
فهو مالكم واعراضكم وثمن حريتكم
المسلوبه بايديهم
ولا انسى ان اقف وقفة امام الجيش المصرى
الذى له كل الاحترام وان كنت من رجاله
الواجب هو منهجهم
والجهاد طريقهم
لا يرفعون سلاح لابناء اوطانهم
هم السند والمدد
وهم الزاد وقت المحن
ويكفيهم شرفا انهم خير اجناد الارض

المفيد والنافع من العلاج الناجع

المفيد فى سرعة الحل لاطراف النزاع القائم بين النظام
ومطالب الشعب فى نزع السلطان من كرسيه بقوائم حكمه
او بترك الكرسى لغيره مع الاحتفاظ بحقوق الناس ومطالبهم
اولا التنحى بالاجبار عن طريق المؤسسه العسكريه
ذات ماحدث بثورة 23 يوليو
وهذا رجوع للخلف
ثانيا  تسليم نائب الرئيس حقيبة الحكم كاملة بطواعيه
وبامر من الرئيس وهذا اقرب الى القريب
ثالثا التنحى الكامل عن السلطه لرئيس المحكمه الدستوريه
وهذا المطلب الواجب لبقاء الدوله المصريه
والنافع للشعب المنهوب ثرواته من كبار رجالاته
وكل اكل مال الناس بالباطل والتربح من خلف القانون
وبيع املاك الدوله المصريه للمحاسيب والاهل والشلليه
ان يصدر النائب العام او من بيده السلطه بالتحفظ على
كل من تسلم وظيفة وزير فى حكومة نظيف بالذات
واعمال قانون من اين لك هذا عليهم
اما العلاج الناجع
فهو الاستمرار فى المطالبه بالحق والتشدد غى المطالبه به
مع استحداث قياده من نظيفى اليد وهم كثر فى مصر

شمس النهار

يا طلعه تغزلى خيوط الضى
خيوطك لون وجه الولد باسم
تفردى نهار بعد ليل طويل
ودفا قلوب مشتاقه للى جى
غبت زمان الليل ومستنى
مين طلعك وفجر نهار الضى
قلب الولد واخته
ولا صبى صبره من بخته
ولا سنين الضلمه طالت
وبان الشيب بالشب
ولا شباب الميدان
طردوا ليل الغى
يا طلعه تغزلى خيوط ذهبى
يا ما ناديت عليك تسمعى صوتى
اتارى صوتى من كتر الندا بح
والغدر داير فى الخلايق د بح
وطالت ايدى سكينه
اتارى ابنى على طول صبرى
شايل الهم ومدارى
فجر نهارك نهار ضى
وفرد قلوع بيضه على المى
لا رجعه لليل تانى
ماسك بعزمه وشدته نهار
وشمس النهار
لاتغيب عن دار تانى

كام شاهد وكام شهيد

صوت الاذان
ورن الجرس
وسط الميدان
كانت قالت لى
ما سمعتهم
من زمااااااااااان
كام قلب ساجد
فى الميدان
وكام الف ديدبان
تقدر تشق
صف اللى حامى
سور امان
وفى يوم الشهيد
كام شاهد وكام شهيد
شافوا القلب
مليان محبه
تحتار فى وصفه كل الاطبه
وروح ترفرف فى العلالى
روح شهيد
من السويس
لاسكندريه
للميدان
قلب صافى
بدفع الدم فى العروق
علشان نفوق
ولا نرجع نطاطى
لكل واطى
قطع القلب
قطعتين

يوم ابيض ونهار سعيد

ابنى شهيد
لمى يامصر ولملمى ترابك
على جسد الشهيد
كان على الحدود مع الجنود
لا كان فى الميدان
بيطالب بحقه
اللى ضايع من زمان
وطلقه غدر
من يهود
لا من جنود
كنا فاكرينهم ولادنا
ولاد بلادنا
لكن يامصر
كانوا غدارين
سددوا النار فى جسد الشهيد
لملمى يامصر ترابك
على جسد الشهيد
نهار ابيض
ويوم سعيد
ابنى شهيد
رجع الحق اللى راح
وخلى يومى براح
اقدر انطق على الجراح
واحاسب الغدر وسنينه
نهار ابيض
ويوم سعيد

بك استجير

يامن بيدك الامر كله
اجله وعاجله
ومنتهى الامر كله
اسئلك برحمتك التى وسعت كل شىء
ان تحفظ مصر واهلها من كل
باغ متكبر
وحاقد وحسود
وبائع لضميره
ومن لادين له الاماله
ومن لا خلق له الا نفسه
ومن كل شر يحاك لها بليل
اللهم اجمع قلوب اهل مصر على قلب واحد
واجعل دمائهم واموالهم واعراضهم
محرمين على انفسهم
كحرمة الارض والعرض
اللهم يامن سمعت لمن فى بطن الحوت
استجب دعاء الضعفاء من امتك ومن اهل مصر
ان تحفظ الكنانه باسهمها لا توجه الا لعدوك
واجعل اللهم خير اجناد الارض
حامين الارض والعرض
اسودا يرهبون اعداءك
واللطف بنا لطفك
وارحم بنا رحمتك
وانزل اللهم السكينة على قلوبنا
بردا وسلاما
ولا تجمع علينا احدا منا
يظلمنا
وصلى وسلم على خاتم رسلك
محمد ابن عبد الله
عبدك ورسولك
وعلى كل ابنبياءك
وسلم
العبد الراجى رحمة ربه لعباده وخلقه
انت اعلم به من نفسه
جحا المصرى المصرى

فلاحه مصريه

لبسه طرحه
تدارى فرحه
ودمعه نزله
قلب ابيض
ووجه باسم
وسمره حلوه
من سمش طالعه
اخوها واقف
فى مطالبه
وهى جنبه
خوفها راح
تمسح جراح
وتداوى جارها
دى مصر ارضى
وحصن عرضى
وصبرى طال
اشكيك لمين
عايزه دليل
ان ما اعيش ذليل
وحقى اللى راح
ادينى اماره
ورينى دليل
كل اللى قلته
سابق سمعته
فى كل جيل
تلحس كلامك
وتبعت كلابك
تنهش فى عرضى
اخويا جانبى
وواقف يطالب
يا تحقق مطالب
يا ..................
بسلام

انا جيت اهدى النفوس

من غير المعقول الا يسئل العاقل نفسه عدة اسئله
اولا ==== لما لم يتم تعيين نائبا لرئيس الجمهوريه قبل الاحداث
ثانيا====لما لم يتم الاخذ بالطعون من قبل الاحداث فى الانتخابات المزوره
ثلثا ===== لما لم يتم التحفظ على الوزراء واحمد عز من قبل
رابعا ====لما لم يتم التغيير الوزارى الشبه ناقص من قبل
خامسا === لما لم يتم من قبل دعوة الاحزاب  شبه القائمه للحوار
بالاضافه الى جماعة الاخوان والذين مازلتم تلعبون نفس اللعبه بهم
لللان مع الفارق
سادسا === لما لم يتم تعديل المواد المعيبه فى الدستور المصرى
والتى ادت الى كثير من العوار فى الحياه المصريه
سابعا ===وياليت احدكم عنده رد لهذا السؤال
مازالت بعض من الاعلاميين متمسكين بخيط واهن فى
عودة الماضى المنحسر وهم قائمون على نفس الوتر القديم
يعزفون عليه وقد خفت صوته الا ترون ام بالعين رمد
وان كنتم لا ترون الا تسمعون ام بالاذن صمم
ام ينطبق قول الله صم بكم عمى فهم لا يبصرون
والبصيره هى الاحساس بالواقع
مازلت اهدى النفوس
واخيرا هو حد يرد على واحد اسمه جحا

سلام على من اتبع الهدى

المفيد فى الوضع المصرى الفريد

على غير عادتى ساتكلم مطولا لشرح هذا الوضع الحالى
كنت قد اشرت فى كثير من كتاباتى وملاحظاتى على مدونتى وعلى الفيس
ان الصبر قد نفذ وخاصة من ابناءنا اما نحن فقد تعودنا ان نتجرعه كل يوم
ككوب من الشاى كنا قد تجرعنا مرارته كثيرا واصبح عادة لاتفارقنا
والان خرج الابناء غير ابهين بشىء الا ان يكونوا احرارا يسمع لهم يسيرون مطمئنين
بدروب الحياه ياخذون ما قسم الله لهم من رزق لا يشاركهم فيه ذى مال او سلطان
يحددون اهداف حياتهم بعقول واعيه وادراك متفتح ورؤيا صحيحه
لا ينظرون الى تحت اقدامهم بل ينظرون للامام يفردون خطاهم ليسبقوا ما فاتهم
كل ذلك بايديهم
واصطدموا بجدار من الصلف والعنجهيه وراكبى الكراسى
وكسروه حتى اعترف الكثيرين بما ارادوا
الا انهم التقوا بجدار اخر وهو الحائل بين ارادتهم  وطموحهم
وهو المنظمين وكاسرى السن وهى كلمه لا يفهمها الا قليل
ومن يعرفها يدرك مغزاها
وهم من يريدون لانفسهم دورا فى شىء لم يصنعوه
اين كنتم من بعيد لما لم نراكم من قبل
والان الحل
اولا عدم الاستخفاف بما صنع الشباب وخاصة من الاعلام
الموالى للسلطه او من جاء بغرض او من الاعلام الشخصى
الذى ما زال ينتظر ان يصنع جميلا فى غير موضعه
ثانيا على كاسرى السن وهم من شاخوا وتمرغوا فى الباطل
ان ان تصمتوا فالاجدر ان تعلموا انكم لن تذهبوا الا بحسابكم
ثالثا على من اراد ان يصمت الشباب او يرحل
ان يصنع جدار صلب من الثقه والاعتراف
فى اقل مده وبلا مماطله  وان تكون ضمانات تلك الثقه
شىء واحد انهاء حالة الطوارىء بلا رجعه
مع الاعتراف الكامل بان انتخابات مجلسى الشعب والشورى
مزورتين ولا تمت بصله لصوت الشعب
فتح جميع ملفات الفساد القائم الان والقديم
واعادة ما نهب الى الشعب قصرا لا قضاءا
اعادة هيبة القضاء المصرى لموقعه المشرف
فدوله بلا قضاء دولة بلا عدل هالكه لا محاله
وهذا اقل القليل الذى يرضى هؤلاء الابناء والاحفاد
لعلى قد قصرت فى شىء او خانتنى ذاكرتى
فلا تلموا شيخا
اسمه جحا المصرى المصرى

عسكرونا معكرونه

من شعر جحا
عسكرونا
قولنا وماله
بهدلونا
قلنا بخاطرهم
قاموا ولادنا
قالوا كفايه
مش ح نصبر للنهايه
قلنا معاكم
جابوا قنابل يخوفونا
ويكملوا ويرهبونا
الخسيس عمره قصير
والاصيل احفاده ميه
وكملوا بعزم وجراءه
وفرحنا بيهم
دول ولادنا وولاد ولادنا
والشطاره
اللى ميشوف من غربال
يبقى اعمى
والعمى فى القلب جامد
سلطوا كام حرامى
والحق دايما فى العلالى
وطول نهارهم
كدابين ولموا شويه
ماجورين
اعرفوا طول صبر
السنين
تعرفوا احنا مين وانتوا مين
احنا ابناء الصابرين
وانتوا مين

قلت اشارك

رحت ابارك
وقفة ولادى
وولاد ولادى
واشوف جمالهم
واشد حيلهم
فرحوا بيا
وعملوا واجب
وكام تحيه
وكام سلام
مليون تحيه باحترام
قلت انادى ولا اهاتى
ما انا لسه صوتى
فيه شويه
قالوا لى عنك
احنا جانبك
ياسلام يا ناس
سواعد عفيه
وهزه قويه
وصوتهم يجلجل
ودمعه نزلت
مستحيه
حبيت ادراى
لقيت ميت بوسه
على خدى وراسى
وجودك كفايه
فينا الكفايه
وحق دمعك
لا اطاطى راسى
واطلع نهار
غصب عنه
ليل الدمار
لازم له يرحل
ونشوف النهار
فرحت جدا فرحت خالص
فرح لى قلب
لان ولادى وولاد ولادى
طلع لهم نهار

تعبان وغضبان

جيت اكمل
لقيت فتنه شر
لقيت حمير بتشتر
وناس ناويه على شر
ناس بتاجر
وناس نتتاجر
وناس بعيده وبتحرك
البهايم على شر
هيه ناقصه بلاوى
هى ناقصه شر
من بعد سا عات
وايام اولاد وبنات
لاتلاقى فيهم غاوى
ولا تلاقى منهم شر
قلب بطهر دم
وقلب طاهر وابيض
وقلب ملموم بقلوب
غاويه الخير لكل البر
ولقيت الحال اتشقلب
ضرب وطوب وحمير
وبهايم بنى ادميين
وقلوبهم مليانه بشر
مصر قولى لولادك
خلى عزيمة ايامك تكمل
وتدفعى الشر بخيرك
محدش محروح غيرك
ولا يوم نمشى الا فى خيرك
والباطل عمال بيقول للشر اشتر

يا بنت الناس الطيبين

انتى بتقولى انضربنا
مين ضربكم
عم خال
ولا ولاد حلال
ما يمد ايده غير
شاويش عسكرى
شرطجى شمحطجى
غير دول ما تلاقيش
بيحموا ظهر اللى خان
واللى باع
واللى بياكل بالدراع
واللى سايب الناس جياع
بيحموا يومهم اللى راح
لما كانت ايديهم براح
قتل ماشى
سلب مال المحرومين
ما هم برضه محرومين
بس عمك يضرب ابنك
ولا خالك يضرب اخوه
ولا ابنك يضرب ابوه
بكام وليه وامتى
وضامن لنفسك بكره
يا بنت الطيبين
يا ناس الحقوه
احسن الابن يموت ابوه
وعوه وفهموه
احمى دارك
وعرضك وجارك
اللى راكب بكره نازل
واللى ماشى بكره راكب
ووسط الاتنين

تتووووووووووووووووووه

اطلع من هدومى

عايش فى خيش
ولقمه ما تلاقيش
واشرب صبر مر
اطلع من هدومى
انا راجل بسيط
مدارى فى ظل حيط
ولى رب يحاسبنى
وغيره ما يهمنيش

علشان حقى تقطع رقبتى

سؤاااااااااااااااااااااااااااااااال يحتاج اجابه

بعض اسئله احب من الساده السياسيون الاجابه عليها ان كان العدل وهو اساس اى حكم غائب تماما الا على الضعفاء فهو ظاهر التعليم اصبح ابناءنا وعقولهم خاويه من اى ثقافه علميه او ادبيه لكثرة التجارب وعدم ثبات اى منظومه تعليم واضحه من فى خدمة من الشرطه المنوطه بحفظ امن المزاطن اصبحت تسمى الدخل لها من جيوب الفقراء وعامة الشعب المطحون اما الاغنياء فالاقتراب ممنوع الحصيله الاقتصاديه الغير واضحة المعالم والمشوهه بفعل فاعل هل الناتج القومى لستون مليون مصرى تدخل فى حسابات مائة مواطن فقط الاسباب التى ادت الى عدم قابلية اى حكومه تتالف من الحزب الحاكم ولو كانت صادقه من كثرة ما وعدوا به فاخلفوا ومازالت تفضى بما لا تعلم هل يجوز فى شعب عمره الالاف السنين ان يصل نسنة الجهل فى خريجى التعليم انهم لا يعرفون ان يكتبوا لغتهم صحيحه ومن ذلك الى اقتصاد مهترىء ليس له ملامح الى عصبه تتحكم فى اقوات البشر بما يخدم مصالحهم  دون النظر الى ضعاف الناس  واولى الامر فى غيهم يهمعون لا يدرون ان ذلك مؤشر شر عليهم 

جحا وصديق

دموع حزن على وطن تلك التى اراها ام دموع قهر من ظلم بين 

ان كانت دموع حزن فلك حق فالامر اصبح محزنا الى درجة ان دموعنا التى حبسناها غادرت مقلتى العين ليراها العدوا شامتا فينا ويراها الصديق مشفقا بناوان كانت دموع قهر فلا يقهر امثالنا الا ظلم بين من طغاة لا يعرفون مقادير الرجال  وما صنعوا من احداث التاريخ على اجسادنا مروا وبدمائنا تاجروا واستخفوا بالشهداء منا ولبسوا ثوبا لايلبسه الا  من علم مقدار ما يلبسوا وهم اجهل الناس به فلا يحزنك قولهم وفعلهم فقد زين لهم ممن امثالهم واعلم ان صبر الحليم نفذ وان لم يدركوا باءوا بغضب الحليم وما ادراهم بغضبه ان الارض تحت اقدامهم كالهشيم تنتظر شرارة من نار وهم غير مدركى امرها وحسبنا الله ونعم الوكيل

من جحا المصرى لاحرار تونس

تحية طيبه الى كل الشعب التونسى الحبيب
لقد ضربتم المثل فى ازاحة الباطل
البغيض المترس وراء كرسى السلطه
فلم تقبلوا الهوان ولا الظلم ولا الفساد
ولا الافساد لبلادكم فازحتموا الباطل بيديكم
ولقد سعد بكم
اما شعوب غيركم فلا زالت ترضى بالهوان
والسكون تحت نير الظلم والباطل البغيض
مستكينه لا تنفعل ولا تتفاعل خوفا
ولكنكم ضربتم المثل واصررتم على الحق
فياليت من ذاق هوان الباطل ومرارته
ان يحذوا حذوكم
ان كثير من الشعوب تحت ظلم تعيش
لا هى راضية ولا هى متحركه
فالموت لها دواء
والظلم لها عقاب
فمن اراد الحياه الحره لابد ان يحصل عليها لا ينتظر من ياتيه بها
كذلك وضحت الرؤيا لمن يعيشون
وهم مستكينين راضخين للظلم
والباطل حتى يهلكوا
لك الله يا بلد استبيح بك كل عرض
وركنت الى الخنوع والخضوع
فما فيك من حر شريف
ولا بك من رجل نظيف
ولا بك من شعب
واخر دعوتى ان يلهم الله الشعب الحر التونسى الى
ما فيه الخير لاهله

جحا يرد على من يبيع

اشتريت العمر اللى فات
واولادى والبنات
اشتريت سنين شقا
وسنين بعاد عن اللقا
وسنين بدفع الدم فى العروق
علشان نفوق ونبقى فوق
وسنين فرحتى ببيت
وارض اشتريت
وزرع اخضر بيشرب
من العروق شقا
وكفوف مشققه
اشتريت ساعة فرح
لما زرعى بعد السنين طرح
وشلت بين ايدى حفيد
مولود جديد رجع للقلب الربيع
اشتريت عمرى اللى جاى
وعمرى ما اقول جااااااااااى
من كتر الشقا
ولا من عزم البكا
على ابن راح غريق
ولا راح يجيب حق
موتوه قطاع طريق
ولا حق ضاع
فى انى اقول اه من عزم الالم
واحبس دمعتى
وادارى النار فى جتتى
برضه اشتريت
دار بنيت
وقبر للموت بقيت
وسهراية فى ليلة صفا
من اهل الصفا
عنى بعد ما نتهيت
علشان كل دا
اشتريت

نوادر جحا 4

ركب جحا حماره
قاصدا السوق لشراء الدقيق
وقد اخذ معه مال ليشترى به
ما يريد من السوق
وكانت عشرون درهما
ووصل السوق وربط حماره
ودخل ووقف امام باب بائع الدقيق
وطلب عشرة مثاقيل من دقيق
فطلب منه خمس عشر درهما
فجحصت عينى جحا وفتح فاه
غير مصدق ووقف مشدودا
وفجاءه صرخ كم
قال خمسة عشر درهما
قال لما انهم بخمس
قال تلك الاسعار
فاخذ جحا حماره متوجها الى
دار القضاء ليشكو بائع الدقيق
وقبل ان يصل لدار القاضى
راى حارس القاضى يحمل
جوال من دقيق ينوء بحمله
فقال للحارس لمن الدقيق
للقاضى
رد جحا انى ذاهب اليه
القى على حمارى الدقيق
ووصل جحا بحماره
والدقيق الى دار القاضى
ودخل يشكوا البائع
فرد القاضى ان الرجل يحمل القمح
من البلاد ويطحنه ويحمله من المطحن
للسوق وهذا يرفع من سعر الدقيق
فقال جحا انى حملت لك جوال من دقيق
فهل اخذ اجرة حمله منك
فصعق القاضى
فحسب جحا كم مثقال حمل للقاضى ثم اخذ اجرته
وذهب فاشترى من مال القاضى
دقيقا ورجع يضحك
فكلما سئله الناس عن ضحكه قال اسئلوا القاضى

نوادر جحا 3

مر جحا يوما برجال يقفون بالطريق
سئلهم جحا ما اوقفكم هنا
قالوا ان الوالى يمر من هذا الطريق
ونريد ان نعرض عليه مظلمة لنا
قال جحا ماهى مظلمتكم
قالوا ان كان لنا ابنا شابا
قد قتل
من قتله
قالوا جنود الوالى
فهز حمارى راسه
حتى لامست اذناه بعضهما
وعرفت ان حمارى يهزء
من حديثى معهم
فقلت له فى اذنه ما الذى لا يرضيك
قال نحن معشر الحمير لا نقتل بعضا
وانانرفس او نعض او نرفع اصواتنا
نهيقا
الا ان واليكم هذا لن يقضى فى امر هؤلاء
الناس فاصرفهم
فقلت لهم ما اشار الى الحمار
فمنهم من ضحك ومنهم من غضب
فتركتهم وسرت الى مكان قريب
اشاهد امر هؤلاء
فمر الوالى بجنده قد زينوا انفسهم
وركبوا احصنتهم
واشار الناس للوالى ان لنا مظلمه
فلم يلتفت اليهم
فقد مر سريعا بحصانه المسرج بالذهب
وذهب
رجعت اليهم مشيرا الى قاضى القضاه
فقالوا ذهبنا فارهقنا
وشد علينا فى سؤاله حتى قال اتونى بالقتيل
ليشهد على من قتله
قلت لايشهدن مقتول عمن قتله الا بين يدى الله
فلينتظر القاتل الى يوم القيامه
ولينتظر قاتله الى نفس اليوم
فعلمت ان الحمير افضل منا
حيث لا يقتلون بعضهم
ولكن يعضون ويرفسون

نوادر جحا وحماره 2

فى صباح يوم مشرق
تطل الشمس على الناس
بنورها
جاء الى دار جحا كتاب
من دار العدل يطلب مثوله
امام القاضى
ركبت حمارى حاااااااااااااااااااا
الى دار العدل
وعقلت حمارى ودخلت
والقيت السلام
فلما بصر بى القاضى
تبسم قائلا مرحبا جحا
قلت ان تبسمت فى وجه احد
فقد حبسته
وكنت اعلم ان القاضى لايحكم بعدل
ولا بظلم وانما بامر من الوالى
قال القاضى انك لم تدفع ضرائبك
فقلت على اى شىء
قال دارك وحمارك اهم ملك لك
قلت نعم اعلى الدار والحمار
فرضتم الضرائب
قال نعم فبيت المال يحتاج الى ضرائب
بعد ان فرغ من ما به من مال
قلت ايمكن ان اسئلك قاضينا
قال نعم اسئل ما شئت
ابغلتك التى سرجها من فضه
وحصان الوالى سرجه من ذهب
اهو من بيت المال فاعيدوه يمتلىء
فلم تمهدوا طريقا لدابه
ولا تومنوا دارا من لص
وتركتم تجار السوق يزيدون
الاسعار حتى ضاقت الناس
اترى ان درهمين من مال جحا كاف
فانتفض القاضى فزعا وامر الجند
ان يسكتوه
ويخرجوه قبل ان يسمع الناس
ما دار بدار القضاء

نوادر جحا وحماره

فى ليلة اشتد بها برد الشتاء
وكان جحا قد قدم من سفر
ولجا الى فراشه لينام
اذ بالباب يدق
من بالباب
نحن حرس الوالى
يريدك صباحا
فلم يغمض لى جفن
وظللت اقلب الامور
علنى اجد لنفسى زله
لسان فى حقه او شىء
الا انى قد غلبنى النوم
وفى صبيحة اليوم التالى
ركبت حمارى حاااااااااااااا
الى دار الولايه
اذ بالحمار ينتفض
ويرجع للوراء
ما بك اجننت
فرد الحمار اانت اعمى
اذ باسد فى قفص ياكل لحما
هذا لحم حمار البريد
وقد كان فى رغد العيش
الا انه كبر سنه
فاطعموا به اسد الوالى
فقلت ذاك حمار الوالى
وكان فى خدمته وطوع امره
فلما ترتعد
فقال الحمار
الحمد لله انى لا اخدم الوالى
وانما اخدم جحا
ودخلت لا عرف ما يريد الوالى منى
فوجدته غاضبا يسئلنى
اين حمارك
قلت هرب
قال لما
قلت حتى لا ياكله الاسد
فقهقه الوالى وامرنى بالانصراف

كان زمان ايام جحا

كان زمان كان فيه جد
شعره ابيض زى قلبه
يمشى ماددعكاز بايده
دايم يمد خطوته كان عفى
رغم طول العمر والشيبه
كان له هيبه
كان يصالح البلاد
والعباد
كان وسط ناس
تعرف معنى السكوت
ومعنى الكلام
والايادى ممدوده
للخير فى البيوت
كان زمان
فيه ناس تعرف معنى جار
وان جار
فبه ناس تعرف معنى عرض
وارض
فيه ناس تعرف معنى خال
وعم
كانت الارض تطرح الخير
من غير معاد
للعباد كل العباد
تلاقى اللقمه فى البيوت
مقسومه
على الجيران
جدران البيوت دفا فى عز الشتا
من كتر الوفا
ناس تعرف الموده
من ده لده
كان زمان فيه بيوت
وحوارى
دا جارى ابن عمى وابن خالى
ومين دا عمى
لى ميت عم ويمكن ميتين
ولى خال ولا اتنين
وكان لى الف جد

كان زمان الموده والحنين
كان زمان اللقمه تفوت
على كل البيوت

مصر لا تنوى حداد

مصر لا تنوى حداد
الا بميعاد
لبسه ليه السواد
قلبى على ابنى انفطر
دم سايح من غير معاد
وفى ليلة ميلاد
ولبسين زى كل الولاد
لبس الفرح وقلبى فرح
وعود اخضر طرح
زهرتين واحد ماسكهم باليمين
دا بنيامين ولا بنى مين
ولادى كلهم زى بعض
لاتعرف طه من فؤاد
ولاحسين من بنيامين
كلهم فى القلب متجمعين
طوااااااااااال السنين
يروى عطش السنين
ضحكتين ودمعتين
ان غابوا انتظرهم
زى الملهوفين
اضمهم بالحنين
جوه القلب مرتاحين
وليلة ميلاد المسيح
معيدين فرحنين
اشوفهم مجروحين
منصابين مقتولين
ااااااااااااااااااااه
مين غدر بيك ياولدى
ايدى تطولك يا ابن السافلين
اشرب دمك بكف ايدى
واعلن حدادى وامد عيدى
ااااااااااااااااااااااه
يا ابن الغدارين
اعرفك من طول السنين
جى تفرق ولا تغرق
ولا تزرع الانين

عمرى ما انوى حداد
الا بثارى
وطردك من جوه دارى