السفينه والقبطان (البحر واصدافه)

يا قبطان مدد شراع السفينه
عمالين نلف على كل مينا
والبحر سواح بموجه
واحنا فى ايدين امينه

يا قبطان الجمال مش كل شىء تنوله
ولا كل امر لازم تقوله
الناس محتاجه
ايدين حنينه

انا يا بحر المراسى
طول عمرى بحار وراسى
عمرى ما غويت الكراسى
حتى فى الاوقات الحزينه

يا قبطان الشيب صابنى وصابك
وكتر قوى من احبابك
وارمى فى بحرك العالى
ولاد اللئيمه

مجداف البحر عاصى
وموجه محتاج تساسى
ان كنت صابح ولا راسى
نقى
بس ناس امينه
والمركبه والسارى طايل
يفتل الغيمه جدايل
ان شقشق فجر الليالى
تخلص ليالينا الحزينه

ايابحر لموجك العالى
قله بطل تعلى وتصرخ ليالى
القلوب ياموج حزينه

القلوب تتلهف مراسى
عايزه تعرف ساسى وراسى
كفاها ياموج ماسى
ولياليه الحزينه

يا قبطان العمر فات بى
وسلمت البواقى لربى
يعلم بكره جانبى
ولا جتتى قبرى يداريها

جحا المصرى المصرى والقبطان اهداء للعزيز الغالى مصطفى الهادى