يا ماسك الدفه وشارع شراعك
شراعك من كتر الرقع دابت
وايدك على دفتك خابت
لملم شراع مركبك لملم
واركن بشط الارض واتهدى
بحر البشر مواجاته دى شديده
تخلع من مركبك الشرع والدفه
يا مرقعين الشراع الشراع دابت
وبان فيها الخيط والرقعه
لا تلم ريح تمشى مركبه تانى
ولا خشبها يتحمل الدق بحديده
لملم شراع مركبك لملم
ضحكت على الخلايق ضحكه
فاكر ببحرينك تعدى بالضحكه
بحر الخلايق عايز حق وحقايق
وانت سايق مركبك بالغصب
وبحرينك ركبوا مركبك بالنصب
لملم شراع مركبك لملم
ساعة الجد ماتلاقى منهم حد
يهربوا على بلاد الدو واليورو
ويمسكوك الخلايق ويقيموا عليك الحد
ولا تلاقى حد يتنازل عن الدين
ودموع الندم لا ترجع حق ولا دين
ليست هناك تعليقات:
إرسال تعليق