جحا وحماره تاركا البلاد

قبل ما تقول حاااااااااااااااااا
على فين رايح
على ارض الله الواسعه
قولى يا جحا مالك
شايل الهم متقل احمالك
الناس دى لا اهلك ولا عيالك
دمعتك نازله على جسمى توجع
ان عايز تخرج اخرج ولا نرجع
شايف صبرك نفذ
لافيه حمل ولا انا حمال له
انطق بحق الحبيب وفرغ
الحمل له هو سميع الشكا
ومجيب له
امنت بالله ياجحا
قلبك على الخلايق رق
وعندك الحق تبكى
على الخلايق بكا
اركن على جنب وادارى
البرد شديد من الهوا ادارى
سامع بكا فى الدار دى
ايه حكاية البكاء فى البلاد دى
سامع عظيم الدعاء
على ناس دى
ياطول يوم الحساب والدين
ربك يمهل ولا يهمل ناس من دى
اخذ عزيز مقتدر
لايسيب حق ولا دين
لم فرشك وقوم شمستك طالعه
عمر الليل لا يطول
لازم نهار طالعه
لملم فرشتك لملم
على سكتى حاااااااااااااااااااااااااااااا
الشمس طالعه